金公館 (彩明商場) (已搬遷) 新店位置

闲日夜晚去食饭, 唔算多人帮衬， 等咗四十分钟都上唔到菜， 好声好气咁问咗几次， 似乎厨房完全out of control， 佢钟意煮乜就煮乜， 畀你食又得， 唔畀你食又得， 隔离𠮶台， 迟我哋十五分钟入嚟， 已经食完三个𩠌，我哋张枱再空空如也。𠮶部长习以为常，一于扮睇唔到。 临尾话要走喇，佢就话而家攞嚟畀你， 态度好曳， 好似话畀你听 : -而家咪有得你食啰， 想点呀， 唔要咪同你cancel啰! 感觉好似问人借钱咁， 食餐饭都要咁受气。唔使钱，免费嘅，我都唔去食。真系要祝佢哋呢间餐厅好运， 请到班咁好嘅伙记。PS 𠮶日唔系唯一我哋受难， 隔离枱都好啲，小上一两个𩠌啫， 全枱人走晒得返个太太喺度等， 见到我哋起身忽袖而去， 就同我哋讲: 做得好， 我个小笼包仲未到。 睇呢太太已经畀咗钱，肉在砧板上， 焗等。