茶木‧台式休閒餐廳 (創紀之城五期(apm))

营业中

休息中

带住小朋友出街最紧要坐得舒服、一入门口就已经问靓仔哥哥有冇BB櫈、哥哥话有！仲可以安排卡位俾我哋！行咗几间都冇BB櫈真系无奈 😞今日系平日所以有午市套餐？带返头盔先星期六日我未去过唔知😹 叫咗三杯土豆牛复腩套餐！一上枱已经觉得抵食 😹 牛嘅份量好多！食落好有台湾卤水味、重点系咬落去一啲都唔韧、半筋半腩咁！份量多到我食唔晒分咗俾老公 😹卤肉饭唔会过咸油淋淋非常好 、仲要系珍珠米 🤪 最鬼憎有啲卤肉饭食到成口油！配菜个糖心蛋做得非常好 😆 唯一觉得古怪个娃娃菜点解要加芝麻酱 😞 硬系觉得唔夹！套餐我拣咗冬瓜茶唔使加钱 😼 甜到啱啱好又有冬瓜味！之前去过另外一啲餐厅甜到饮唔到落去要叫佢加滚水 🥲老公叫咗手工拌面套餐！啲面咬落去好烟韧、个辣到啱啱好好鬼过瘾 🤪个半筋半腩份量好多！牛筋牛腩真系炆得好腍 🤤 我食晒成半碗牛筋🤭鸭血系一般货色、反而个素鸭有惊喜咬落去好有口感 🤤 可能系因为佢厚身的关系 同埋好入味 🙈台式酸梅冰有啲甜下次可以拣少甜！总括来讲喺观塘来讲呢一间值得再嚟 价钱合理服务又好