影片
更多
2022-09-30
350 浏览
📌 板神鉄板烧日本料理 (信和广场) - 铜锣湾告士打道255-257号信和广场1楼103号舖🗓(30/9) 星期五 ⏰ 下午1:45左右 🌐网址: https://s.openrice.com/QrbS0QB8A00~ueeoDBA 💈特式：放假梗系食好d，见有人介绍呢间板神鉄板烧，加上而家平日下午d套餐有8折，虽然都系唔平，但一次半次食好少少啦。🥩🍔🌭🌮🥗🥯🥘🍲🍝🍣🥟🍤🍱食物：餐厅有唔同嘅set lunch，最平$580/1位，最贵就去到$3080/2位，佢用唔如等级嘅牛肉嚟分开价钱，今次就食最高级嘅A5和牛set，但我无拣有鹅肝or只set，所以就系$1880/2位，等我同大家讲下味道先......前菜/沙律 - 前菜系腌制过嘅牛蒡，几好食又爽口；沙律就系软芝士白饭鱼沙律，味道普普通通，不过d软芝士系几香口。刺身3款 - 3款分别系鲷鱼/吞拿鱼/带子，个鲷鱼切得好细片同有少少腥；吞拿鱼就切得好厚身同好鲜甜无筋；带子得半粒厚身，但真系超甜同鲜味。南非鲍鱼 - 只鲍鱼好新鲜，一直都仲郁紧，咁新鲜嘅海鲜烧出嚟就一定无乜地方可以挑剔。活龙虾 - 呢个活龙虾一人有半只，都系一直新
🗓(30/9) 星期五 ⏰ 下午1:45左右
🌐网址: https://s.openrice.com/QrbS0QB8A00~ueeoDBA
💈特式：放假梗系食好d，见有人介绍呢间板神鉄板烧，加上而家平日下午d套餐有8折，虽然都系唔平，但一次半次食好少少啦。
🥩🍔🌭🌮🥗🥯🥘🍲🍝🍣🥟🍤🍱
食物：餐厅有唔同嘅set lunch，最平$580/1位，最贵就去到$3080/2位，佢用唔如等级嘅牛肉嚟分开价钱，今次就食最高级嘅A5和牛set，但我无拣有鹅肝or只set，所以就系$1880/2位，等我同大家讲下味道先......
前菜/沙律 - 前菜系腌制过嘅牛蒡，几好食又爽口；沙律就系软芝士白饭鱼沙律，味道普普通通，不过d软芝士系几香口。
刺身3款 - 3款分别系鲷鱼/吞拿鱼/带子，个鲷鱼切得好细片同有少少腥；吞拿鱼就切得好厚身同好鲜甜无筋；带子得半粒厚身，但真系超甜同鲜味。
南非鲍鱼 - 只鲍鱼好新鲜，一直都仲郁紧，咁新鲜嘅海鲜烧出嚟就一定无乜地方可以挑剔。
活龙虾 - 呢个活龙虾一人有半只，都系一直新鲜生猛郁唔停，师傅用返佢d龙虾头膏做个汁会返落d龙虾肉度，除左份量少唔够喉之外都系无得顶。
本日海鲜 - 今日海鲜系咖哩煮大虾，只虾好大只，拍得住只龙虾咁大，但唔系新鲜生虾，当然就会无咁鲜味，可能因为咁，所以餐厅先用咖哩去煮，等客人食落无咁大对比，但幸运嘅系佢个咖哩汁真系做得好好，味道好平衡，所以可以掩盖左只大虾唔系新鲜呢个缺点。
季节野菜 - 普通烧几条菜/芦笋/粟米芯之类比你，无乜特别好讲。
炒饭/渍物/面豉汤 - 炒饭系用一d牛肉粒去炒，干身唔油，都唔错；渍物就又系牛蒡同几片腌青瓜；面豉汤就系用返头先只龙虾个壳去煲，唔会差得去边。
甜品 - 红豆抺茶牛奶布甸，好食，牛奶味香，有抺茶味，又唔太甜。
☕️🍵🥤🧋🍺🍷🥃🍹🧉🍾🍶🥛
饮品 - 餐厅送左两杯无酒精welcome drinks，饮落好清好开胃，无特别问店员系咩，但应该系梨味嘅茉莉花茶；之后仲叫左两杯好特别嘅无酒精特饮，除左特别仲好好饮。
🍽环境：餐厅环境一定系无得顶，有d bar枱位可以望到海景，室内虽然无景睇，但装修好靓好高级，而且私隐度高，铁板位抽气做得好好，室内无乜油烟味。
🤵🏻🤵🏻♀️🤵🏻♂️服务：职员服务当然系好高规格服务级数，话晒餐厅收费咁高，职员虽然未做到一对一服务，但都差唔多系咁上下。
💰💸价钱：叫左个两人set，包埋两杯特饮，8折后埋单$1875，呢个价钱系贵嘅，但佢食物质素好，环境又舒适，份量又足够，所以都可以接受到，但唔系会成日食啰。
🐲💬总结：佢嘅食物做得相当出色同精致，服务又好，价钱虽然唔平，但lunch而家有8折总比晚市抵好多，如果有节日/庆祝之类，我觉得试下都无妨。
推荐指数：❤️❤️❤️❤️🤍
张贴
