心意餐廳 (已結業)

1月1日,我同老婆行完街,去到9:45,行过心意餐厅,系见到入面冇乜人,环境又OK既情况下入去,入到去,招呼我地既经理就话,要问一问厨房先,(后来先知道,原来佢地LAST ORDER 系9:30,已经过左,但佢地都照做我地生意)坐底之后,我地ORDER野食,招呼非常周到,又好礼貌,野食黎到,我地叫左2个SET,一个系猪扒,另一个系羊扒,仲转左两个要加钱既甜品,两个主菜好好食,连伴菜既薯仔都好好食,而甜品系我地食完主菜后10分钟上,一个系梳乎里,一个系心太软,梳乎里好软唔太甜,个人觉得好食过太平馆既好多,而心太软都好正最后要求侍应同我地合照时,仲送左只几得意既闪灯介子比我地,到买单时,我同MANAGER讲,"唔好意思,你地过左LAST ORDER都仲要招呼我地入黎"之后佢回应"我地唔好意思就真,要你地食得比较急"其他地方可能只会覆我一句,唔紧要,但佢呢一句足以BUY要我个心,觉得佢地服务非常好!下次一定再帮衬!!