影片
更多
2019-08-21
74 浏览
今日放工后黎到烧烤堂食串烧，夜晚7点钟嚟到已经座无虚席，相当受欢迎。小店主打自家制既手工串烧，每一款食材都配有唔同既酱汁同调味，食落去一啲唔油腻，全部都烧得岩岩好，系我食过咁多间串烧店黎讲既 No. 1👍🏻值得一赞嘅系，店员(定老板？)相当有礼貌，虽然忙过不停，但前前后后讲左劲多次「唔该晒」，仲好细心咁提醒我地贝壳类既壳比较热，小心食💁🏻♀️极度推荐鹅肝多士，鹅肝肥美多汁，油脂丰腴，系口腔中慢慢融化，系幸福既味道啊😍鹅肝上有香甜嘅焦糖，加埋微酸爽口嘅青苹果，香脆既多士，仲有内藏系多士入面既芝士，百感交集，口感同味道层次都好丰富，绝对对得住呢个价钱🤤蜜糖鸡中翼真系似平时BBQ个种口感同味道，而且火候控制得恰如其分，食落去外脆内软，肉质依然保持香嫩，蜜糖亦成功令到味道更上一层楼。盐烧墨鱼咀同样令我眼前一亮，食落去弹牙多汁，完全唔会干巴巴，盐既味道岩岩好，唔会喧宾夺主，非常正！马友啖啖肉，附有酱油同泰式辣酱，一鱼两食。泰式辣酱辣度都唔会过火，唔洗怕会太辣。西班牙黑毛猪好有火喉，非常香口，肉质香软，几有惊喜。黑豚肉鹌鹑蛋，非常有趣嘅配搭，食落好似平时食开既章鱼小丸子咁。烧准山出奇地好食，平时我
极度推荐鹅肝多士，鹅肝肥美多汁，油脂丰腴，系口腔中慢慢融化，系幸福既味道啊😍鹅肝上有香甜嘅焦糖，加埋微酸爽口嘅青苹果，香脆既多士，仲有内藏系多士入面既芝士，百感交集，口感同味道层次都好丰富，绝对对得住呢个价钱🤤
蜜糖鸡中翼真系似平时BBQ个种口感同味道，而且火候控制得恰如其分，食落去外脆内软，肉质依然保持香嫩，蜜糖亦成功令到味道更上一层楼。
盐烧墨鱼咀同样令我眼前一亮，食落去弹牙多汁，完全唔会干巴巴，盐既味道岩岩好，唔会喧宾夺主，非常正！
马友啖啖肉，附有酱油同泰式辣酱，一鱼两食。泰式辣酱辣度都唔会过火，唔洗怕会太辣。
西班牙黑毛猪好有火喉，非常香口，肉质香软，几有惊喜。
黑豚肉鹌鹑蛋，非常有趣嘅配搭，食落好似平时食开既章鱼小丸子咁。
烧准山出奇地好食，平时我系唔食淮山嘅，点知今日咬一口就爱上左呢款食物。准生爽口，咬落去好似马蹄咁，加埋蜜糖真系无得输。而蒜蓉杂菇既蒜蓉份量慷慨，菇类煮得软稔。
蒜蓉元贝即叫即制，有大量蒜蓉同粉丝，元贝香软，份量十足，令人回味无穷。
豚肉露笋卷咬落爽口，不过我自己本身对露笋就无乜太大兴趣。
平时食串烧，最怕就系款款都系落同一样嘅调味料，全部肉都一样味，食唔出边款打边款。但系呢间串烧店完全冇呢个情况，每款都经过精心嘅调味同配搭唔同嘅配料，定价虽然唔算平，但质素绝对值回票价👅
张贴
