Texas Burger (已結業)

今日的同朋友去左朗豪坊12楼既Texas Burger食饭，餐厅半开放式设计？楼底高，够开扬，装修都几靓，卡位半包形式都几有私密感。香蒜巴马臣薯条香蒜舖系薯条面，再加巴马臣芝士酱，一个好香口又稳阵既小食，份量中等。水牛城鸡翼及棒棒鸡依个一上黎系有少少失望，因为食开既水牛城鸡翼都系已经沾好酱，而且睇名会以后系两款唔同煮法既鸡翼，可惜一上原来只系普通炸鸡翼，再加两款汁，一个水牛城一个蓝芝士。不过食落都唔差，但要趁热食，冻左个皮就唔脆。墨西哥风味杂锦沙律依个沙律配料好丰富，有大虾、牛油果、奇异果、红椒、西班牙香肠同粟米。未试过依种配搭，食落好fresh，味道清新，大虾烤到外皮酥脆，连沙律一齐食，感觉就无咁邪恶。烟熏英国车打芝士牛肉汉堡汉堡包加左牛油烘，外脆内软，系我钟意既包身。牛肉厚身有肉汁，配埋被热力溶化左既车打芝士，啖啖滋味。冰镇朱古力蛋糕新地同图片有少少出入，本身担心会伏，点知食落又OK！Brownie咬落去半硬半软，仲有少少流心感觉，同雪糕一冷一热，平衡叔Brownie既漏，系唔错既甜品选择。