川串香

营业中

休息中

前日真系好想食串烧，但系又想揾一间近近地地铁站嘅所以就见到呢一间好近朗豪坊嘅店！呢一间店望落去几干净又企理，而且除咗啲串烧之外，亦都有一啲凉拌面，食串烧唔够饱嘅话都仲可以食一点面去饱肚！啲串烧都系10几蚊一串唔算好贵，而且仲可以选择辣到同加唔加蜜糖，啲店员仲要好有礼貌！我哋两个嗌左大概10几串，选择好多除咗有肉类之外亦都有蔬菜、丸类等等。个人觉得啲串烧烧得啱啱好，令到啲肉唔会好干身，反而系锁咗啲肉汁系入面！ 而且鱼蛋烧完之后真系好好食，尤其系𠮶啲芝士丸真系好鬼正！鸡软骨仲要系一串入边有好多粒，系好鬼抵食！我哋最后仲唔够喉咁样嗌多咗啲鸡髀同鸡翼，鸡翼一串仲有三只，而且啲调味粉落得啱啱好唔会好咸。