影片
更多
2022-06-12
615 浏览
可能因为开喺商场入面，比起好多川菜，佢嘅环境舒服好多，坐得几舒服，冷气几够，通风好好，啲櫈唔会痴粒粒！我哋6个人嗌咗三样嘢同埋三个甜品share～先讲水煮鱼，我哋嗌咗个例牌，会再包4样𩠌，我哋拣咗豆卜、冻豆腐、莴笋、猪红。辣度嗌咗小辣，但一上到嚟有啲朋友见到咁红已经吓亲😹 其实食落去又唔算太辣，啲配料全部都好适合水煮鱼！豆腐类吸晒啲汤好正！猪红滑捋捋，大家都好钟意食，好快抢晒😹 莴笋切到细细条，好入味！不过配料偏细份；鱼有得拣普通鱼片定系桂花鱼，我哋拣咗比较平嘅鲜鱼片，食落都好新鲜，好滑冇骨，有多啲budget可以试埋桂花鱼🤣酸菜鱼方面，我哋叫咗个珍宝size，都系选择咗鲜鱼片，鱼嘅质素同水煮鱼差唔多。酸菜鱼佢配左啲粗薯粉，呢啲菜式同薯粉真系天作之合，永远唔会唔夹😭啲薯粉好食到傻！同埋啲酸菜都好好食，连啲配角都好出色，全因佢个汤真系整得好好！不过要提吓嘅系，朋友觉得酸菜鱼辣过水煮鱼😹 我就觉得差唔多嘅～ 两个菜啲鱼都好多，食极都仲有，都几抵食！另外，我哋仲嗌咗个腐皮小棠菜，本身以为清清地食个菜，但系佢又炒得几好食，啲腐皮几香几入味，不过因为我迟到冇影到🤣🤣我哋嗌咗三款甜品，分别系辣嘢必
可能因为开喺商场入面，比起好多川菜，佢嘅环境舒服好多，坐得几舒服，冷气几够，通风好好，啲櫈唔会痴粒粒！我哋6个人嗌咗三样嘢同埋三个甜品share～
先讲水煮鱼，我哋嗌咗个例牌，会再包4样𩠌，我哋拣咗豆卜、冻豆腐、莴笋、猪红。辣度嗌咗小辣，但一上到嚟有啲朋友见到咁红已经吓亲😹 其实食落去又唔算太辣，啲配料全部都好适合水煮鱼！豆腐类吸晒啲汤好正！猪红滑捋捋，大家都好钟意食，好快抢晒😹 莴笋切到细细条，好入味！不过配料偏细份；鱼有得拣普通鱼片定系桂花鱼，我哋拣咗比较平嘅鲜鱼片，食落都好新鲜，好滑冇骨，有多啲budget可以试埋桂花鱼🤣
酸菜鱼方面，我哋叫咗个珍宝size，都系选择咗鲜鱼片，鱼嘅质素同水煮鱼差唔多。酸菜鱼佢配左啲粗薯粉，呢啲菜式同薯粉真系天作之合，永远唔会唔夹😭啲薯粉好食到傻！同埋啲酸菜都好好食，连啲配角都好出色，全因佢个汤真系整得好好！不过要提吓嘅系，朋友觉得酸菜鱼辣过水煮鱼😹 我就觉得差唔多嘅～ 两个菜啲鱼都好多，食极都仲有，都几抵食！
另外，我哋仲嗌咗个腐皮小棠菜，本身以为清清地食个菜，但系佢又炒得几好食，啲腐皮几香几入味，不过因为我迟到冇影到🤣🤣
我哋嗌咗三款甜品，分别系辣嘢必备嘅冰粉、黑糖糍粑、拔丝士多啤梨。
冰粉就同我哋平时食辣嘢嘅时候食到嘅差唔多，类似黑糖啫喱（分体式），但系就比较硬净啲，好解辣！但价钱就比出面贵好多，平时啲小店大概10令20左右就有一碗，呢度就卖$48。
黑糖糍粑好正，一想碟就俾我哋清晒，冇影到相😹😹😹 佢系一啲类似就系糯米糍嘅嘢，外脆内软，上面有啲黑糖，我自己觉得佢个黑糖有少少咸咸地同炸嘢好夹，入面超软绵绵我好钟意！但朋友就觉得有啲黐牙
最后要讲下呢个超级靓嘅拔丝士多啤梨！佢系我喺出面食过最靓嘅拔丝XX，糖浆完美地包裹好粒士多啤梨，我自己觉得好似超新鲜嘅冰糖葫芦，然后仲会卷埋佢中间𠮶个旋风糖浆，超好食的！呢个系必叫！份量都唔少！
唯一美中不足系，𠮶日服务我哋嘅姐姐心情好似唔系好好，态度有啲差😿😿
张贴
