文華扒房及酒吧

营业中

休息中

文华扒房比我既印象系，坐落系中环核心地段，黎食饭都系高级商界名人，午餐时段坐系到食饭望住太子大厦，望住下面返工既中环白领，别有一番风味。黎呢到食饭唔系食饭咁简单，更重要既系享受佢嘅华丽精致，佢menu 唔需要成日有新款，最简单既菜式都好用心制作，由佢个面包、前菜，佢既摆设，味道都非常用心。头盘点左个佢哋都几出名既烟三文鱼，上台有专人帮你切，因为我哋一男一女黎，我哋想叫一份share 佢就推介我哋可以叫一份系ladies cut ，顾名思义就系切一份比女仔，比叫两份小一啲，又可以一份男一份女食，唔使自己分得咁尴尬。我好贪心所有配料都要试。之后我系其他餐厅都食唔返咁好食既烟三文鱼🤭🤭🤭文华拉高晒个水准啦！前菜叫左个吞拿鱼同油甘鱼。肥美。两款都配左啲偏微酸既蔬菜酱中和返。牛，超级完美。下面𠮶个系脸颊肉，好食到不得了。之后我都有再去食文华，比我既享受始终如一。