影片
更多
2021-08-17
115 浏览
难得喺平日放假，所以特登约咗朋友去长洲玩，放松放松心情，食埋晚饭至出返市区。我地喺海旁揾咗间餐厅食，二百几蚊有2碟海鲜一碟小菜，仲包一个菜。海鲜拣咗沙嗲蟹煲同椒盐虾，小菜点咗海鲜豆腐汤，仲有一份蒜蓉炒西兰花。另外大家都有饮汽水。椒盐虾炒得几惹味，上面舖满炸蒜，虾壳炒得酥脆，食落带点微辣。沙嗲蟹煲入面有好多粉丝，好有惊喜！本身个沙嗲唔算好辣，入面加咗菠萝同三色椒，而只蟹本身都有蟹肉，成个蟹煲好丰富。蒜蓉西兰花炒得好香好有镬气，成碟好快就比我地食哂。汤就拣咗豆腐海鲜菜汤。料都算多，有鱼柳，虾，蚬同白菜仔。虾好新鲜，蚬都冇沙，抵赞！白菜豆腐清清哋，可以解腻。食海鲜点可以唔饮可乐🥤
张贴
