泰道 (已結業)

泰道泰菜我帮衬过好多次，价钱一啲都唔平，但唔知点解，当我想轻轻松松食lunch嘅时候，我就会想起这间泰菜馆。位于西贡大网仔路，即系西贡海湾会烧烤会所旁边，交通不便，如果自己揸车可以泊喺门外嘅停车场（没有免费泊车），如果搭巴士，落咗车要行15 分钟左右，或者喺西贡市中心坐的士过嚟都得。我钟意黎呢间系因为可以一路食饭一路望住过大海，好写意，个沙滩好少人游水，多数都系度玩独木舟、风帆，有啲一家大细带埋小狗🐶喺度玩。虽然自己冇玩但系见到啲人咁开心自己都觉得好开心。餐厅分室内和室外，其实大多数人都选择坐室外，因为这间餐厅嘅卖点就系个海景，收咁贵点会坐室内呢 ，除非冇位。热辣辣，炸得刚刚好，好香脆，同酱汁一齐食系一个好嘅配搭椰香咖喱鸡，咖喱汁好香，但我觉得好稀，鸡柳好鲜嫩，但系就冇鸡味，同薄饼一齐食系最佳配搭。湿炒河粉, 河粉好滑，加埋啲杂菜同猪肉，热辣辣好好食生菜包我哋拣咗猪肉走辣，味道非常之浓郁，生菜好新鲜。菠萝沙冰失左水准, 好似偷工减料咁，味道好淡冇菠萝味。椰青非常清甜总结：当日系假期，客人好多，订咗位去到都要等，但员工嘅服务态度好，敏捷有效率，人手足够，有求必应。食物方面保持水准，系稍为