影片
更多
2016-04-27
1787 浏览
心血来潮黎到愉景湾，愉景湾有好多唔同国家既菜式，兜左一个圈最后选择一出码头就见到既德国餐厅。 但最后, 竟然点既都唔系德国菜ORZ!对正广场一边有开放式bar枱，另一边沙滩方向亦有露天位，可以对正大海享受美食。一入去Waiter亦有问想坐入面定出面，但由于天阴阴又准备落大雨，我地决定坐番系室外，但拣左较近外面既一张枱。店内环境清静得黎好光猛，岩岩坐低冇耐出面已经落大雨，听住落雨既哒哒声食饭别有一番感觉。午饭时间有提供Lunch Set，款式亦都唔少，有跟前菜及迷你餐汤、主食、甜品、饮品。主食方面有八款选择，价钱由$88-$118不等，有意大利饭、肉肠拼盆、煎鱼等等。另外亦有一款标榜较健康既套餐─瑞士芝士猪手肉墨西哥卷 ($78)，我地最后决定一份墨西哥卷及意大利饭套餐。首先盛上既餐汤─杂菜忌廉汤。 其实名都系我俾架姐 ，有时候系部份西餐厅饮既忌廉汤唔系太杰身就太稀，但呢到既忌廉汤非常幼滑， 有一种好creamy既感觉，入面材料亦都好充足，有好多西兰花茸，表面系几粒烘左既面包脆脆。前菜─德式肠沙律。配有酸瓜，食落去酸咪咪咁系一份好好既开胃前菜，但酸瓜又唔会好似M记孖芝果款酸到令人打唔开
对正广场一边有开放式bar枱，另一边沙滩方向亦有露天位，可以对正大海享受美食。一入去Waiter亦有问想坐入面定出面，但由于天阴阴又准备落大雨，我地决定坐番系室外，但拣左较近外面既一张枱。
店内环境清静得黎好光猛，岩岩坐低冇耐出面已经落大雨，听住落雨既哒哒声食饭别有一番感觉。
午饭时间有提供Lunch Set，款式亦都唔少，有跟前菜及迷你餐汤、主食、甜品、饮品。主食方面有八款选择，价钱由$88-$118不等，有意大利饭、肉肠拼盆、煎鱼等等。另外亦有一款标榜较健康既套餐─瑞士芝士猪手肉墨西哥卷 ($78)，我地最后决定一份墨西哥卷及意大利饭套餐。
首先盛上既餐汤─杂菜忌廉汤。 其实名都系我俾架姐 ，有时候系部份西餐厅饮既忌廉汤唔系太杰身就太稀，但呢到既忌廉汤非常幼滑， 有一种好creamy既感觉，入面材料亦都好充足，有好多西兰花茸，表面系几粒烘左既面包脆脆。
前菜─德式肠沙律。配有酸瓜，食落去酸咪咪咁系一份好好既开胃前菜，但酸瓜又唔会好似M记孖芝果款酸到令人打唔开眼 (虽然我知有好多人好钟意食孖芝既酸瓜...)。虽则系肠仔，但切成薄片感觉上更似系火腿 -W-
主菜─意大利烩饭配香煎带子、青豆及巴马芝士。 烩饭上面有一粒粒带子肉，饭既质感非常软熟，带有奶油及白酒香。以一人份量黎讲算系非常大份，加上意大利烩饭以忌廉煮成，通常都偏腻，最后都系食唔哂.. ORZ
主菜─瑞士芝士猪手肉墨西哥卷。 顾名思义亦即系墨西哥卷，包住非常足料猪手肉，入面都有好多唔同既沙律菜。值得一提既系卷皮，平时食开既墨西哥卷 皮比较厚，似印度薄饼，但呢到既系脆身，又唔会好似薯片咁一咬就碎开哂，保留番少少烟韧度，仲系热辣辣既~~~ 内馅满满既猪手肉，一咬落去肉汁同埋芝士咇哂出黎~好好食
甜品─朱古力蜜柑蛋糕配云呢拿雪糕。蛋糕有好浓既朱古力味，偏甜，但加埋云呢拿雪糕一齐食可以减轻甜腻感，另外亦配有偏酸士多啤梨粒，唔会因为太甜既朱古力味而觉得非常饱滞。另一样有惊喜既系洒上少量肉桂糖，由于我太钟意食肉桂，所以好满足 >W<
最后叫埋餐饮，都系一般咖啡或茶。 叫左两杯冻柠檬茶，习惯落糖水之前先饮一啖红茶，茶味十分清新，亦唔会太淡，可以试试唔落糖水就咁饮下淡淡既茶味 ^_^ (题外话好钟意呢只杯 <3)
今次呢间德国菜餐厅，(特登加粗 德国 两个字)， 虽然名系德国菜餐厅，但结果我地最后食既竟然系墨西哥卷同意大利烩饭 =P有少少美中不足既系，德国 令人谂起 咸猪手、啤酒.... 但午餐关系冇试到特式德国啤酒!! 枱面有张餐纸更有提到 无酒精啤酒，好想试下......唯有下次先
题外话/补充资料：
侍应们态度非常好~!
(以上食记乃用户个人意见 , 并不代表OpenRice之观点。)
张贴
