Baby Elephant Thai Kitchen

营业中

休息中

放假去赤柱周围行下，轻轻松松渡过咗一个下午然后行到去赤柱大街，见到呢间新开张几个月既泰国餐厅，决定喺呢度食晚饭。因为时间尚早，只不过系18:00，所以仲好清楚见到餐厅外既无敌海景，就算坐室内都个view 都真系几靓，仲好relax…… 秋冬天唔热时一定会试下坐室外既座位，感觉应该会更chill。食泰菜指定动作，每次都必定会点冬荫功汤，细碗份量2个人饮啱啱好，冬荫功入面有常有既虾，特别在仲有蚬同蓝青口，所以个汤特别鲜甜。香辣澳洲肉眼沙律 - 原本谂住叫个沙律做前菜，上菜后先发现呢个系一个主菜既份量，已切件既肉眼扒足足有一整块牛扒既份量，沙律菜非常新鲜，配搭酸酸辣辣既泰式汁非常开胃。另外叫左小食串烧牛及猪，烧到好香配沙嗲酱汁好好味，再叫多一个泰式炒河，都系水准之作。成餐晚饭感觉好relax 好叹，推介给平日返工忙碌、想远离都市压力既人士，放假时候黎呢度chill 吓。