Baby Elephant Thai Kitchen

营业中

休息中

Baby Elephant Thai Kitchen 🐘入左赤柱行山🏃🏻‍♀️中午就黎食個豐富既泰國菜補充體力叫左2個set 加小食拼盤🧆冬陰功麵味道濃郁 小辣 有好多海鮮👍🏻🦞 Pad Thai 正常水準⋯⋯小食拼盤有驚喜 送到過黎還熱 4款小食都幾好味 沙嗲醬同酸辣醬都濃味😋同四個朋友一齊食人均大約$200 呢個價錢嚟講食物嘅水平好一般講唔上難食但唔會特登入嚟赤柱食環境尚算寬敞冷氣都充足下午時間嚟，唔算太多人亦都唔需要等位

諗住星期六同女朋友專登開車去赤柱行吓食吓 支持吓香港本地經濟 赤柱大街見到三間三選一食午餐 就選擇咗呢間 可望海食餐 裝修唔錯舒服 又好似好多外國人食 慘痛經歷就開始 叫咗炸魚薯條 海鮮意大利飯 生蠔 及一杯coke zero. 首先來了一杯淡如水/冇氣的coke zero 就知入錯舖頭 之後來了個炸魚薯條 炸魚薯條 外脆內‘水’ 唔知食緊乜嘢 薯條放咗好耐 淋晒； 之後想cancel以後的兩個菜 誰不知 生蠔及意大利飯同一時間上枱 冇計都要食埋佢； 生蠔唔新鮮 仲有浸變壞嘅味道； 海鮮意大利飯 海鮮唔新鮮 霉霉的味道 飯重要硬過你條命 最後埋單六百幾 我發誓 以後不會再幫襯

今日去咗赤柱行街，晏晝就隨便喺海邊揀咗間餐廳，人流雖然唔少，但係亦都唔需要排隊，天氣好好，揀咗有陽光嘅位，但係之後有啲後悔，因為冇遮蔭。呢間餐廳分開咗兩邊，一邊係泰國菜，一邊係西餐，無論你坐邊一邊，兩間舖頭嘅Menu都可以揀。 叫咗一個青咖喱豬頸肉配薄餅同一個德國炸豬手配薯條。其中一個配有餐湯，係菠菜湯，我嫌個菠菜味太濃，而且催咗好多次先至送到嚟。至於個青咖喱味道尚可，豬頸肉都有咬口，尚算腍，薄餅微脆，但可能天氣凍嘅關係，薄餅好快凍咗。至於個豬手，雖然味道OK，但係炸得太硬，好難咬，另一半啲牙勁啲先比較容易咬得到。炸薯條係扭紋薯條，啱啱炸起，都幾脆，但始終天氣凍，keep唔到好耐。夥計服務態度其實唔差，但似乎一人多菜單就會亂。 至於環境喺海邊加埋好天氣真係冇得輸，價錢喺赤柱海邊餐廳嚟講，我覺得唔算貴，但當然呢個價錢可以喺出面食得好啲。

平日中午少左遊客嘅赤柱，卻多左份寧靜幾舒服，坐在門口位，對著個大海都幾Chill，餐廳分為兩邊，分為西餐/泰餐，今次選擇食西餐午餐，性價比西餐較泰餐為好，點了以下食物：1. 前菜- 沙津/ 南瓜湯：沙津份量幾好多，而且又新鮮及配上洋蔥，開胃之選。南瓜湯味道濃郁，幾好飲。2. 卡邦尼意粉：以3個人享用，每人可食到2-3轉，份量都唔少，配料有蝦及煙肉，意粉冇煮得太爛有口感，醬汁幾杰唔會成兜水。3. 辣腸芝士薄餅 (薄批)：個人黎講好鐘意個口感，批底鬆脆，材料上配搭幾岩味，芝士味唔會被搶走。4. 肉眼扒配薯條沙津菜(5成熟)：熟度剛剛好又唔會有血水流出，容易切開肉質幾腍，都幾大執塊3個人都食唔曬，薯條即炸好脆口，沙津菜以配菜黎講份量唔少。扒類用餐份量特別大份，點了一塊扒單人食唔曬，要多人去先好。服務整體上是親切的，只是未享用完畢已經想收走餐碟，反而空碟又唔收走，感到奇怪。

千其唔好信佢地啲staff!我地經過餐廳既時候有個好熱情既staff sell我地，我地問仲有冇生蠔（因為睇過隔黎幾間既生蠔都賣哂）個staff好肯定咁話有，咁一坐低我地都即刻order驚會冇，有再confirm店員係咪menu既生蠔可以order佢都話係，仲叫多左一個set dinner，但個main等咗好耐都未到，最後食完成個main都未有湯同生蠔，追問之下原來生蠔一早賣哂，個湯又漏左，唔問佢都唔講，我地有表示係confirm過先入黎，佢地淨係識講唔好意思，一啲補償都冇，仲收咗$50服務費覺得好似呃人入去咁。

係好熱情招待，係好體貼小朋友，但餸菜遲遲未能送上，催左好多次，又送生蠔又送蝦餅以表示歉意，又送沙冰俾小朋友，係好開心架喎.......因為佢啲嘢食太遲送嚟，小朋友第二日仲要返學，我俾完錢就怱怱離開，自己大意，冇即時發現，今日check下啲單，明明係594元，佢碌左我954元，我應該點做？仲有冇得追番？我住元朗，要入赤柱追番，唉.....仲要已經過左幾日，怪自己太信任同太大意了😭

這次是暑假期間第二次來到赤柱大街上的餐廳用餐🍴只有一樣咖哩蟹使用不新鮮的蟹，整個食物都有異味會部分蟹肉松軟，吃完之後，對整個餐廳的印象完全降低評分，但其他四道菜還在值得推薦的，安格斯牛排，鳳爪，生蠔，生蝦，所以要保證全體的食物品質，客人才能想再來。

叫咗綠咖喱雞同埋冬䕃功湯。咖喱雞得四件，仲要係好鞋嘅，茶餐廳質素，但要$168。冬陰功湯好淡，完全唔似冬陰功。真係好耐未食過咁難食嘅泰國菜，赤柱有好多食肆，一定唔會再幫襯呢間。

赤柱沿海濱一帶的餐廳價位都偏高 ~$150-200一款主食赤柱的店員大部份都非常熱情😀一經過就瘋狂介紹😂😂我自己就好中意聽人介紹☺️我既原則係你肯介紹我就肯食😍太冷淡不了🙃Baby Elephant Thai Kitchen要加一~味道評分:☄️(highest_surprise)/☀️/🌤(pass)/⛅️/💨(lowest)💨墨汁海鮮意大利飯 Risotto Al Nero $188Weekend set menu(配有是日餐湯&餐飲:紅蘿蔔忌廉湯,可樂)啲米好硬，應該未煮熟…之後仲會痴牙🌪溫馨提示:墨汁會痴到成個嘴唇都係🌑☀️墨西哥芝士餡餅(手撕豬肉) $118係店員極力推薦下🤣唔係唔買呀嘛😂😂😂好食的！(雖然冇食到有芝士🥲）但係整體個醬汁、肉同餡餅是很match的~~❗️因爲係户外位 好多二手煙❤️‍🔥佢主打泰國菜同西餐

The first I tried this Thai Restaurant. Since the receptionist said I could order the menu from the two shops (the one nearby), so I could order Thai food and western food in one visit. The staff was nice and recommended me some signature dishes. We ordered the Fish N chip which was chrispy but not oily. The Thai Combo was my favouite . Yummy yummy. We ordered the mocktail drinks which were nice. This shop facing the seaview and I could enjoy my dating with my love. Will visit again  

Ordered Green Curry Chicken, Half Chicken, Burger, morning glory and Pawn CakeFood is completely tasteless except morning glory and best thing is Coke.Food served sometimes barely warm, the chicken in the green curry does not taste like chicken. Will NOT recommend at all. Very bad experience.

一間不錯的泰國菜，在區內價格感覺合理，味道也不錯，性價比很高。青咖喱雞味道不錯，不算太辣，適合不能吃辣但又想吃咖喱的人，也可指定加辣；雞肉數量算多，也很大塊，非常入味。可加白飯、麵條、印度薄餅，需另外付費味道：⭐️⭐️⭐️紅咖哩青口份量很多，青口肉很大粒，咖喱較辣，不太適合不能吃辣的人，但值得一試，會另外附送薯條或印度薄餅味道：⭐️⭐️⭐️菠蘿炒飯內容物豐富，有蝦、菠蘿、肉鬆、腰果等，分量非常多味道：⭐️⭐️⭐️⭐️

入到赤柱， 見到baby elephant 泰國菜， 門口有一位可愛的女介紹員， 介紹原來他們有泰國菜還有西餐。 是可以同時食到兩種菜色的餐廳， 味道好好食， 仲好有人情味。 生蠔都好好食， 好新鮮。 他們的墨西哥脆餅都好好食， 咖哩羊膝也可以嘗試好好味， 牛扒都令人非常滿意， 炸魚薯條， 還有串燒， 手打蝦餅， 超級沙律， 還有二人套餐， 二人套餐裏包括（豬仔骨牛肉眼扒芒果沙律） 都非常之抵食， 我們試了很多東西， 冬陰功都做得好出色， 其實他們的菜式都做得非常之好， 但是我在其他平台上， 沒有人介紹過， 我都係諗住試下， 價錢相當平民化， 下次我會再去幫襯， 真係一個好地方， 環境面對海景， 服務態度相當良好， 下次帶埋屋企人去。

門外搵客哥哥介紹殷勤, 入到舖內服務一般, 麻煩叫杯水, 女經理叫稍後, 掛住收錢, 最後冇水, 同事互相傾計埋怨, 不專業, 食物70分, 聽完同事抱怨後, 食慾減10分, 最後埋單亂收數, 完全跟餐牌不一樣, 大家小心🙇🏽🙇🏽

是日黎到赤柱一日遊，行到甘上下要搵間餐廳休息下同食晚飯，比呢間既裝潢吸引左，環境唔錯，座位舒適寬敞。平時黎赤柱多數食西餐，今次一於試下赤柱泰國餐廳。肉碎生菜包：豬肉醃得唔錯，好夠味，又唔會太咸。紅咖哩青口：紅咖哩好惹味，睇到用左好多唔同既香料製作，唔會太辣，用黎撈白飯食一流。青口大大隻，而且份量都多，對得住個價錢。泰式炒金邊粉：係幼身既金邊粉，炒粉獲氣夠，粉綿唔會黐到一條條。份量適中，岩晒2個人share食！