影片
更多
2023-06-29
104 浏览
💁♀️💁♂️ 23/6/2023(Fri), Dinner🍽又到咗💁♀️为食妙妙同💁♀️A先生辣瘾起嘅时间，朋友介绍海港城嘅祥仔辣辣新加咗烤鱼嘅菜式，而且仲有海景睇，今晚一于去解一解辣瘾先😋🌶。去到餐厅先系被维港嘅海景吸引住😍😍😍，靠窗嘅位置可以直接望到无敌大海景，晚上嚟睇住夜景食晚饭一流。其余位置都坐得好舒服阔落，即使叫多几款食物都唔怕无位摆👍。而今晚我地order咗：🔆 元气九宫格（$188）主要系跟时令去配搭食材，所以每次嘅选择都有机会唔同，中间嘅一格就放咗干冰，上枱时加水就形成咗一个腾云驾雾嘅感觉，仪式感十足。 今晚嘅另外8格分别有：- 麻辣猪耳：食落猪耳皮爽，软骨位置够脆- 卤鸡肾：卤水味香，鸡肾爽口- 香辣山木耳：带点麻辣味道，爽口- 香辣一口牛舌：切成细细粒，一啖一粒食落麻辣爽口- 麻辣豆角：咬落脆口，入口带麻辣嘅味道- 酸辣泡大白菜：食落有啲似韩式泡菜，但就无咁酸- 肴肉：入口弹牙，满满骨胶原感觉- 蒜泥拍青瓜：食落脆口，又带蒜泥嘅香气🔆 金波罗酸辣 拼 魔鬼地狱 烤鱼（海鲈鱼）（$328）一个锅入面分开两格，可以有唔同嘅烤鱼选择，例如：金波罗酸辣、魔鬼地狱、火山爆辣、
💁♀️💁♂️ 23/6/2023(Fri), Dinner🍽
又到咗💁♀️为食妙妙同💁♀️A先生辣瘾起嘅时间，朋友介绍海港城嘅祥仔辣辣新加咗烤鱼嘅菜式，而且仲有海景睇，今晚一于去解一解辣瘾先😋🌶。
去到餐厅先系被维港嘅海景吸引住😍😍😍，靠窗嘅位置可以直接望到无敌大海景，晚上嚟睇住夜景食晚饭一流。其余位置都坐得好舒服阔落，即使叫多几款食物都唔怕无位摆👍。
而今晚我地order咗：
🔆 元气九宫格（$188）
主要系跟时令去配搭食材，所以每次嘅选择都有机会唔同，中间嘅一格就放咗干冰，上枱时加水就形成咗一个腾云驾雾嘅感觉，仪式感十足。
今晚嘅另外8格分别有：
- 麻辣猪耳：食落猪耳皮爽，软骨位置够脆
- 卤鸡肾：卤水味香，鸡肾爽口
- 香辣山木耳：带点麻辣味道，爽口
- 香辣一口牛舌：切成细细粒，一啖一粒食落麻辣爽口
- 麻辣豆角：咬落脆口，入口带麻辣嘅味道
- 酸辣泡大白菜：食落有啲似韩式泡菜，但就无咁酸
- 肴肉：入口弹牙，满满骨胶原感觉
- 蒜泥拍青瓜：食落脆口，又带蒜泥嘅香气
🔆 金波罗酸辣 拼 魔鬼地狱 烤鱼（海鲈鱼）（$328）
一个锅入面分开两格，可以有唔同嘅烤鱼选择，例如：金波罗酸辣、魔鬼地狱、火山爆辣、青青草原同埋红火蕃茄🍅。我地今晚就选咗双拼嘅口味，一边系金黄嘅金波罗酸辣烤鱼；而另一边就系火红色嘅魔鬼地狱烤鱼。一锅有两种食法，可以食多一种口味嘅烤鱼，满足三心两意嘅人。而各自嘅酸度、辣🔥道同麻度都有大、中同小可以选择。
金波罗酸辣𠮶边就比起一般嘅金汤酸菜鱼再加入新鲜菠萝🍍去烹煮，令到食落去嘅味道比一般酸菜鱼再多一种菠萝🍍嘅果香同酸甜味道，多咗一种层次，入口亦减轻咗辣度。
另一边嘅魔鬼地狱烤鱼就布满印度🇮🇳魔鬼辣椒🌶️、中国魔鬼辣椒🌶️同辣椒🌶️干，虽然我哋点嘅系小辣，但个汤滚滚吓都越来越辣，食得都好刺激。
鲈鱼🐟本身肉质嫩滑又唔多骨，配合两款汤底都好搭配，轻轻滚起之后，汤底嘅味道渗入鱼肉，为食妙妙同A先生好快就食晒啲鱼肉。另外，两边汤底都各有大豆芽、莲藕片、莴笋片同云耳做配料，煮一煮吸收咗汤嘅味道又系食过不停。
🔆 三国演义-墨鱼🦑三色滑（半份$58）
即系一件有齐三款不同口味嘅墨鱼🦑滑拼埋，三只口味分别系原味、南瓜🎃味同菠菜味，一件有齐白、黄同绿三只色，视觉上先吸引咗我哋先。墨鱼🦑滑内有粒粒墨鱼🦑肉，加添口感，食落弹牙鲜味。南瓜🎃味同菠菜味嘅墨鱼🦑滑都隐约食到南瓜🎃味同菠菜味，一件三国演义墨鱼🦑滑就可以入口食晒三种口味。
🔆 雪花肥牛卷（$88）
牛肉嘅雪花❄️纹都唔错，肥瘦相间，油花分布都几平均。轻轻一灼刚刚熟就放入口，有肉味得来又有油香，食落嫩滑无渣，唔错👍🏻。
🔆 田园蔬菜拼盘（$88）
生菜拼油墨菜，新鲜翠绿。
🔆 冰天雪地（$168）
又系仪式感满满嘅一个甜品，用上一个高身嘅瓷器装住桂花冰粉，再配搭龙须糖同埋糍粑，上枱时飘住干冰散发出嘅烟雾💨，就好似仙境来的甜品一样。
桂花冰粉内有桂花、爆珠、士多啤梨🍓同蓝莓🫐果肉，食落冰凉透心。龙须糖松化又唔太甜，而家都好少喺街见到有龙须糖卖，估唔到呢度嘅甜品会有。糍粑就系四川嘅甜品，用糯米整成，配黑糖同黄豆粉一齐食，咬落外脆内烟韧，再加埋黑糖香味，十分吸引。
🔆 菠萝ME 1.3L（$48）
份量超巨型，足足1.3公升都只系$48，一杯冰冻嘅饮品酗配烤鱼绝对有解辣清凉嘅作用。菠萝ME用上蜜瓜🍈、菠萝🍍同雪碧调制，入口有清新蜜瓜🍈同菠萝🍍味道。
🔆 藕遇热情凤梨 1.3L（$48）
同样超巨型嘅特饮，用上百香果、菠萝🍍、莲藕同梳打调制，百香果味浓郁，加咗莲藕令到口感更丰富。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：8.5/🔟
❤🙆♀️(为食妙妙)整体食评：9/🔟
👉🏻 餐厅可以望到海景，对住维多利亚港食烤鱼绝对系乐事，夹岩时间仲可以睇埋幻彩咏香江
A先生车友指数 🚗
🛣️ 交通容易指数：🚗🚗🚗🚗🚗(5/5)
🅿️ 泊车容易指数：🚗🚗🚗🚗🚗(5/5)
👉🏻 泊车唔使谂一定系海港城嘅停车场🅿️，大量车位提供
👉🏻 海港城即使你搭港铁🚇、巴士🚌定天星小轮⛴️都好方便
🔆🔆🔆🔆🔆🔆🔆🔆🔆🔆🔆🔆🔆
张贴
