影片
更多
2021-09-20
745 浏览
「望住青马靓景下午茶，甜点好食过咸点🫖」琴日去咗马湾挪亚方舟酒店嘅餐厅食下午茶🥂之前嚟过马湾几次，都觉得喺呢度食嘢好正，对住个海景同埋青马大桥一定冇得弹😍今次就过咗嚟试佢限定月份嘅下午茶🫖一入到餐厅嘅格局系好普通嘅酒店餐厅，里面大约分咗两边，一边就系普通跟Menu食饭丶下午茶嘅位置，一边就系自助餐～环境唔算特别优雅🥸不过我哋订嘅时候专登order左坐窗边位，所以我哋可以望住海滩海边同埋青马大桥个景😋一路欣赏美景，一路食下午茶😍😍不过如果你唔坐窗边位，坐卡位梳化位嘅话，其实对住窗口都会见到景色嘅，只不过相对地冇咁近啫～🖼呢个价钱系包左普通餐饮，入到黎餐厅店员就急忙咁问我哋饮餐饮😥😥叫咗两杯冻柠茶，好快就黎到，不过有一杯嘢饮嘅匙羹有啲污糟，而且味道非常难饮🤢所以之后我都净系饮咗水⋯虽然系平日过嚟食，但系都有唔少人一家大细丶情侣呢啲都有，不过相对地等咗唔使一阵下午茶set咗送到过嚟啦🥰等候时间绝对可以接受，都算快手！🥂品味华丽逸志海景下午茶 $468 （二人用）下午茶一样分咗咸点甜点，分别各五样，所以总共有十款嘢食！嘢食我拣啲又真系想分享介绍嘅讲，唔会逐一讲晒啦😛🥂🥂🥂🥂🥂🥂🥂🥂🥂🥂🥂咸点🍴
琴日去咗马湾挪亚方舟酒店嘅餐厅食下午茶🥂之前嚟过马湾几次，都觉得喺呢度食嘢好正，对住个海景同埋青马大桥一定冇得弹😍今次就过咗嚟试佢限定月份嘅下午茶🫖
一入到餐厅嘅格局系好普通嘅酒店餐厅，里面大约分咗两边，一边就系普通跟Menu食饭丶下午茶嘅位置，一边就系自助餐～环境唔算特别优雅🥸
不过我哋订嘅时候专登order左坐窗边位，所以我哋可以望住海滩海边同埋青马大桥个景😋一路欣赏美景，一路食下午茶😍😍
不过如果你唔坐窗边位，坐卡位梳化位嘅话，其实对住窗口都会见到景色嘅，只不过相对地冇咁近啫～🖼
呢个价钱系包左普通餐饮，入到黎餐厅店员就急忙咁问我哋饮餐饮😥😥叫咗两杯冻柠茶，好快就黎到，不过有一杯嘢饮嘅匙羹有啲污糟，而且味道非常难饮🤢所以之后我都净系饮咗水⋯
虽然系平日过嚟食，但系都有唔少人一家大细丶情侣呢啲都有，不过相对地等咗唔使一阵下午茶set咗送到过嚟啦🥰等候时间绝对可以接受，都算快手！
🥂品味华丽逸志海景下午茶 $468 （二人用）
下午茶一样分咗咸点甜点，分别各五样，所以总共有十款嘢食！嘢食我拣啲又真系想分享介绍嘅讲，唔会逐一讲晒啦😛
🥂🥂🥂🥂🥂🥂🥂🥂🥂🥂🥂
咸点🍴：
「波士顿龙虾包🦞」馅料好食，食到龙虾仲有蟹柳肉☺️酱汁调味几好，同埋呢个包都大大份，唔怕有时食下午茶食唔饱🤣
「松露酱蟹肉多士🍞」黑松露味都唔算浓郁，反而净系食到满满嘅蟹肉多士，好香脆，算系唔错！🤩
「照烧扇贝盒🦪」个人觉得呢个一般，不过佢个造型几得意，上边有啲粒粒扇贝，然后酥皮盒包住啲沙律酱，不过个人唔钟意沙律酱，所以呢个我就麻麻哋😯
咸点呢三样比较特别，其他沙律类嘅我就觉得一般啦～～
🥂🥂🥂🥂🥂🥂🥂🥂🥂🥂🥂🥂
甜点🍮：反而甜点我觉得有惊喜质素唔错☺️❤️
「香桃巴伐利亚🍑」呢个甜品我都系望清楚先至见到佢惊喜嘅位，蜜桃啫喱嘅部份有押花，非常精致，好靓！！我都专登为佢影咗几张相☺️巴伐利亚味道唔错，下面仲有少少蜜桃，中和味道，甜甜酸酸咁几好！
「芒果芝士蛋糕🍰」呢个算系头一两个最好食嘅甜品，可能大部份甜品都系属于偏甜𠮶类，突然有个芝士蛋糕酸酸地真系突围而出，芝士蛋糕口感绵密，不过芒果就略嫌有啲酸啦，但蛋糕好食🥰🥰
「栗子蒙布朗🌰」呢个外型好的骰精致，下面一粒粒系朱古力脆脆，配合入边嘅栗子蓉，口感有层次，栗子味道好浓郁！
「榛子焦糖咖啡千层🧁」呢个我觉得系最好食嘅甜品❤️蛋糕真系分别食到榛子焦糖同埋咖啡嘅味道，而且蛋糕睇唔会好干，湿润松软，入口即溶，甜度适中😝👍🏻👍🏻
🥂🥂🥂🥂🥂🥂🥂🥂🥂🥂🥂🥂
🥂总括以上，个人觉得食物质素唔算特别高，但系胜在嘢食相精致，都有诚意，特别欣赏甜品，做得几靓，质素又唔差！加上呢个价钱对住呢个景色，我觉得真系几值得，望住沙滩同青马大桥休闲下好加分🥳
呢个下午茶系九月至十一月期间限定㗎，有兴趣都可以去试吓！
张贴
