馬六

营业中

休息中

揸住架车喺附近揾嘢食，见到皇后大道西街边拍左好多车，就系呢一段揾餐厅。个餐牌选择都好多，先来一个海南鸡饭拼新加坡喇沙，海南鸡唔够滑，见到都用咗一部份嘅鸡脾肉唔知点解都系唔系好滑；喇沙味道都算正宗，唔算好\都几香口。槟城叉烧卖相黑色唔系好靓，但叉烧肉系半肥瘦，好淋身，有口感，味道啱啱好唔算好咸。星州金丝虾丸几大粒，咬开发现原来入边有几只原只嘅虾肉，但啲虾唔算好新鲜，质素还可以。马拉盏通菜都算合格。饮品跟餐加$12，所以决定试下芝士拉茶，芝士味唔算重，味道其实都可以，但系就唔知似芝士奶盖定系马来奶茶。呢度上菜嘅速度仲快过快餐店，但其实啲菜都系热嘅， 好明显唔系整定摆喺度；如果揾到餐厅对出嘅停车位置，可以一路望住架车一路食饭安心啲。