影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
餐廳：馬六地點：西環石塘咀菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。仲有地道推介下午茶餐。馬六無骨海南雞飯 $65馬六無骨海南雞飯有好多雞肉食，有脾有胸有翼。雞肉算嫩，皮滑溜，伴有四條青瓜，跟有大大碟三色醬汁。雞油飯大大碗，非常黏口。仲有一碗蟲草花蔥花雞湯。豬頸肉喇沙摻摻 $48喇沙好少見配豬頸肉，豬頸肉一共五件，口感味道都唔錯。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻超好味糖心蛋，豆角，豆卜4件，同少少爽口芽菜加香口脆脆。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味，燒得脆皮。伴有青瓜同車厘茄。另上參巴醬。馬來手工拉茶 （跟餐）馬來手工拉茶滑溜香甜，叫左少甜甜度剛好。熱桂圓紅棗茶 （跟餐）熱桂圓紅棗茶有好多紅棗肉，下底有一粒桂圓肉，加有菊花，好香花味，唔甜。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。
继续阅读
💖黎西環呢間抵食東南亞餐廳食，選擇多而且唔收加一！午餐時段仲可以用優惠價加配特飲同小食。1️⃣馬六海南雞清雞湯米粉🐔 $66🔸酸辣鳳爪 +$26🔸老街椰汁冰 +$8💖滑嫩緊實嘅海南雞搭配清甜雞湯，麵底係米粉，食落輕盈唔油膩，仲有索湯🧽嘅豆卜、豆同溏心蛋🥚，種類豐富。💖小食加配左泰式酸辣鳳爪，份量都有十件左右🤩，咬落肉質同軟骨Q彈飽滿，非常酸辣開胃，對我呢個BB辣人士黎講有啲辣，所以要左杯老街椰汁冰解辣。口感細膩綿密，味道香甜，椰子控人士至愛！💖用QR code或者叫職員落單都得，上菜快手，環境舒服幾好坐。黎香港大學地鐵站1-2分鐘，位置方便。
继续阅读
石塘咀馬六厚切豬扒喇沙摻摻這裡的厚切豬扒喇沙，真的是媲美米其林級別的享受！豬扒選材講究，每一塊都厚實得來又多汁，再配以特製的喇沙湯底，醬香濃郁而不膩，每一口都是極致的味覺享受。馬來黑醬油叉燒馬來風味的黑醬油叉燒，可是這裡的招牌之一！叉燒外皮烤得勁道而內裡肉質鮮嫩多汁，黑醬油獨特的香氣更是讓人欲罷不能。一塊熱氣騰騰的叉燒，搭配一碗白飯，簡單卻極致的美味！馬來白咖啡咖啡香氣四溢，口感順滑而不酸，帶著淡淡的甜味。無論是單喝還是搭配食物，都能讓你享受一整個午後的寧靜與舒適。
继续阅读
今日呀哥去比賽，我同爸爸去睇佢👍🏻完場之後我哋去食嘢🥂因為記得附近有馬六，就過去食🤩食物青檸燒鴨我哋睇到menu 推介，同埋好似新野黎😂呢個不得了！終於明白點解配飯or米粉，因為佢啲湯有少少辣，又有青檸酸～好開胃🤤啲鴨都唔少～～娘惹脆炸鮮奶哥哥睇圖話想試牛奶春卷，呢個好好食😋脆卜卜～又有軟心😉斑斕咖吔多士馬來黑醬油叉燒爸爸強調左好多次😂好冧好食！呀婆都妹得爛啲黑醬油甜甜地，食埋青瓜好解膩巴東牛肉撈粗佢有少梘味～鐘意食粗麵可以試下佢！佢嘅巴東牛肉都好好味😋夠冧😆古仔路芒果汁老街椰汁冰橙紅茶其他呢到係用QR code落單，但有好多老人家幫襯唔太識落，職員都好有耐性解答，檳城蝦麵同喇沙摻摻分別，唔夠餐具又會好快fill
继续阅读
今次等二次嚟到馬六～上次冇食到海南雞飯～所以今次就叫左海南雞飯🤤見到佢有set dinner，仲有埋飲品又可以加埋個小食，價錢唔係好貴～😆✨馬六無骨海南雞油飯🐔加桔仔茶$78海南雞份量真係幾多😍雞肉好滑仲有三個醬汁點🤤 甜豉油辣椒醬同薑蓉我自己最鐘意薑蓉油飯🍚粒粒分明，好香～ ✨桔仔茶免費加的，佢另外會有其他飲品茶味好濃～桔仔好香😍✨加 $22 街頭雞肉串雞肉串好香👍🏻醃得好好加埋d沙嗲汁更加惹味😋
继续阅读
您可能会有兴趣的...