小茶角 (啟豐商場) (已結業)

海旁商场既一间小店，主打各式各样既牛角包，仲有多款饮品，一d都唔简单既轻食。买牛角包及饮品，仲可以免费有炸薯条/炸薯角/沙律。叫左屯门牛($45)，火腿芝牛($28)，跟餐炸薯条，跟餐炸薯角，珍珠奶茶(中$21)，茉香奶绿(中$17)。食物即叫即整，等大约10mins就有。牛角包拎上手好重好多料，夹有厚蛋、蘑菇片、芝士、烟肉、蕃茄、生菜。炒蛋够滑，烟肉煎完香口，配埋甜甜既千岛酱，一流。买包加饮品，可以免费有一款小食。炸薯条热辣辣，够脆够大条，有一包包既蕃茄酱可以醮，份量亦唔少。只系食个包，都好有饱足感。另一款牛角包夹有火腿、芝士、生菜，menu中属于咸味款。火腿配芝士永远系最佳拍挡，芝士微熔。牛角包好香牛油香味，啖啖都食到好浓郁既牛油香味。套餐既免费小食拣左炸薯角，口感比炸薯条更强烈，因为薯角厚身，所以更有口感。外皮脆脆地，入面软身。热饮珍珠奶茶既奶及茶比例刚刚好，珍珠烟韧，而且份量都几多，饮到底都仲有好多珍珠。茉香奶绿好值得饮，因为一饮就有超浓既茉莉花茶。拣左微糖好fresh好消暑，就算中杯都够饮。整体，诚意制作既牛角包，而且小店一定要大大力支持。侍应服务好，而且唔少人都外卖。正值餐