小茶角 (啟豐商場) (已結業)

屯门其中一个优点系有著大海景，甚至电影都黎取景。而小茶角就可以一路食著牛角包，一路欣赏海边。店舖楼面唔大，望海嘅位置唔多，所以想望海食都要睇运数。我点咗海牛，即系吞拿鱼加粟米。牛角包好松化，几钟意呢个质感嘅牛角包，又唔油淋淋。每口都有吞拿鱼，吊起左个味。入边嘅生菜增加左爽脆嘅口感，令到成个包更加refreshing，食落唔会太有罪恶感。饮品方面叫咗芝士奶盖乌龙茶可惜奶盖太杰同埋冇芝士咸香。加嘢饮送薯角，薯角好够厚。虽然系即炸，但唔太脆。