利寶閣 (已結業)

今晚同家人行完街，时间又差不多系食晚饭嘅时间，他们喜欢中餐于是望望这里，反正就脚完全系商场内乘升降机上就可以，这里全层都系餐厅绝对唔会出错，而且重有落地大玻璃望主维港嘅夜景，咁啱安排了近窗旁位置，个景已经赢了！再望餐牌都有唔少嘅选择，而且重有最喜爱嘅叉烧用谷饲豚肉做成嘅叉烧$128绝对要点啦！除此之外还有呢个双拼选择上汤龙虾伊面配烧汁脆皮鸡半只$338，呢个份量就有齐海陆空嘅代表！最快就系份谷饲豚肉叉烧，真系大大份，而且烧得色泽均匀，师傅切得啱啱好，一啖一件，入口软熟嫩滑，充满肉汁，加上入了味嘅叉烧汁真系好味道，部份位置重有点脂肪，入口更加入味肥美！欣赏住维港之余上汤龙虾伊面同烧汁脆皮鸡半亦一齐上枱，上汤龙虾伊面都十分大份足料，龙虾开边两半，上面沾满了上汤，伊面亦十分烟韧弹牙，龙虾肉质弹牙爽口够晒鲜味，细心嘅师傅已将蟹钳夹开了，完全知道食客嘅需要！而烧汁脆皮鸡半亦好吸引，只是望都见到外皮香脆！肉质嫩滑软熟外皮香脆！最后店员还送上香滑嘅绿豆沙，够晒香甜！