海港薈

营业中

休息中

朋友屋企装修完，去睇下取经，为屋企装修攞灵感，我哋先去尖沙咀海港荟饮茶，再同佢返家😄呢度个无敌海景最吸引，单边大窗，可以望到好靓嘅维港靓景，礼堂宽大无柱，装饰华丽高雅😄鲍汁凤爪唔单止凤爪入味软腍，连花生都入哂鲍汁味，食到停唔到口🤣金莎脆皮鲜虾肠米网脆身，包住粒粒鲜味爽弹嘅虾仁，粉皮薄滑有米香，好好食😋金砖豆腐炸成金黄色，一口一粒，外脆内软，豆腐滑溜有豆味😋我哋见酒家新出植物肉糸列，用植物制嘅肉造成唔同菜式，就叫咗客香芒植糸鸡柳试下，口感几特别，腍腍地，好似午餐肉咁😄甜品燕窝炖鲜奶热辣辣上枱，炖鲜奶好香滑溜，唔太甜😋，燕窝原来都几多，满满的舖满鲜奶面层🤭