影片
更多
2015-03-15
6986 浏览
是咁的，之前知道Jamie's italian 进驻左香港系铜锣湾开左第一间分店，虽然我唔系好知jamie系边个，但既然佢咁出名，紧系去朝圣下啦。去过几次都系排哂队多人到爆炸，今日特登衬闲日同为食朋友点都要食番次。大约5点几6点到，我同友人去到jamie's italian 嘅大门拎位，地下个层系reception 同一d product，去煮食有兴趣嘅朋友可以去睇下架。餐厅太多人唔敢影大围相，餐厅相当大，灯光暗黄，好舒服。我同友人坐左系近bar 枱嘅卡位，梳化位来的，围枱好舒服。枱上仲要有一个烛光，好鬼有feel，可惜嘅我系同一个男友人去，搞到硬差咁d野。坐低冇耐就有个waiter自我介绍仲用英文讲一大轮野。比左menu 我地。最后我同友人order左几样食物:本店著名鲜虾扁意粉，松露意粉，卡邦尼烟肉长通粉鲜虾扁意粉整个味道偏辣，仲有小小蕃茄嘅酸味好开胃。扁意粉有口感。 最重要系d虾真系好新鲜，咬落去好爽口，钟意食虾嘅朋友一定要试一试。松露意粉一黎就己经有好香嘅牛油味。黑松露同牛油加埋芝士个个配搭好味到呢我都唔知点形容，有机会真系要试下呀各位。最后卡邦尼烟肉意粉。同样系色香味俱全嘅意
是咁的，之前知道Jamie's italian 进驻左香港系铜锣湾开左第一间分店，虽然我唔系好知jamie系边个，但既然佢咁出名，紧系去朝圣下啦。去过几次都系排哂队多人到爆炸，今日特登衬闲日同为食朋友点都要食番次。
大约5点几6点到，我同友人去到jamie's italian 嘅大门拎位，地下个层系reception 同一d product，去煮食有兴趣嘅朋友可以去睇下架。
餐厅太多人唔敢影大围相，餐厅相当大，灯光暗黄，好舒服。我同友人坐左系近bar 枱嘅卡位，梳化位来的，围枱好舒服。枱上仲要有一个烛光，好鬼有feel，可惜嘅我系同一个男友人去，搞到硬差咁d野。
坐低冇耐就有个waiter自我介绍仲用英文讲一大轮野。比左menu 我地。
最后我同友人order左几样食物:
本店著名鲜虾扁意粉，松露意粉，卡邦尼烟肉长通粉
鲜虾扁意粉整个味道偏辣，仲有小小蕃茄嘅酸味好开胃。扁意粉有口感。 最重要系d虾真系好新鲜，咬落去好爽口，钟意食虾嘅朋友一定要试一试。
松露意粉一黎就己经有好香嘅牛油味。黑松露同牛油加埋芝士个个配搭好味到呢我都唔知点形容，有机会真系要试下呀各位。
最后卡邦尼烟肉意粉。同样系色香味俱全嘅意粉，烟肉唔系平时食开个d，睇落会有小小似肉干，但系加埋长通粉食嘅口感并唔会有好干嘅感觉。钟意烟肉嘅你一定要试一试。
主菜之后我同朋友叫左两个甜品
先讲讲vanilla ranna cotta。 宜个云呢拿味嘅奶涷上面有几片桔，几新鲜，不过有小小酸。奶涷整体口感非常rich，不过小弟觉得甜左d但系整体来讲都算几好食。
另一个epic brownie我净系睇个样已经流哂口水，甜爆谷，朱古力味蛋糕加埋海盐焦糖味雪糕，一冻一热再加埋爆谷卜卜趣嘅口感令我同自己讲我一定会再食第2次。不过可能男仔唔 钟意食太甜，宜个甜品会有埋朱古力酱，食家食嘅时候建议睇自己口味做人，咁先系享受呀嘛!
张贴
