影片
更多
2008-07-16
16 浏览
单刀直入，本食评冇相，有时间就睇，冇时间就byebye！XD嗯，一个月没写评了。近年习惯开餐前影相，影相后会返屋企整理决定那一餐值唔值得我去写…但今日朝早一早就挞cue~因为手快按错快键而手提用了key lock！撞了一朝早密码系撞唔中的，album开唔到电话打唔出，净得三条9~劲失落！本来五月头劲顺路来见城食午餐，可惜当日的appointment一迟再迟…期间由朝早十点望表再望表，well~到正经事搞晒时原来都三点tea得啦！lunch？请自己哀悼它吧！昨日星期一庆幸又有点眷顾我，朝早十一点半搞晒正经事就有得lunch喇！自动来了见城…相同的二人叫返相同的午餐，佢叫佢的银鳕鱼，我叫我的自选寿司。银鳕鱼我们二人都觉得与上次失准了少少，没这么滑和「鞋」了少少…当然整条鱼一定唔系难食，对于唔食熟鱼的我来讲依然都系鲜味的，只系因为之前食过见城整得更好的银鳕鱼就自然比较啰！至于我选的寿司set大约：海胆—一向喜欢食但冇得重复真有点失落！水准只有75分，当然与腥扯不上关系，只系质感太杰少了那份清甜，明显与我上几次食令我thumbs up的uni真系有得比较，同埋今日的紫菜有点失准，有一、两件的寿
嗯，一个月没写评了。
近年习惯开餐前影相，影相后会返屋企整理决定那一餐值唔值得我去写…但今日朝早一早就挞cue~因为手快按错快键而手提用了key lock！撞了一朝早密码系撞唔中的，album开唔到电话打唔出，净得三条9~劲失落！
本来五月头劲顺路来见城食午餐，可惜当日的appointment一迟再迟…期间由朝早十点望表再望表，well~到正经事搞晒时原来都三点tea得啦！lunch？请自己哀悼它吧！
昨日星期一庆幸又有点眷顾我，朝早十一点半搞晒正经事就有得lunch喇！自动来了见城…
相同的二人叫返相同的午餐，佢叫佢的银鳕鱼，我叫我的自选寿司。
银鳕鱼我们二人都觉得与上次失准了少少，没这么滑和「鞋」了少少…当然整条鱼一定唔系难食，对于唔食熟鱼的我来讲依然都系鲜味的，只系因为之前食过见城整得更好的银鳕鱼就自然比较啰！
至于我选的寿司set大约：
海胆—一向喜欢食但冇得重复真有点失落！水准只有75分，当然与腥扯不上关系，只系质感太杰少了那份清甜，明显与我上几次食令我thumbs up的uni真系有得比较，同埋今日的紫菜有点失准，有一、两件的寿司紫菜虽然未至于稔，但明显沾上湿气…不要怪它吧！事实近两月的天气颇不济，洗了的衣服不用干衣机的话著上时很有黄梅天个feel~个紫菜就令我谂起用这感觉形容。一、两件，我豪俾它吧！
鱼类寿司我拣了吞拿鱼大toro、baby toro、左口鱼、目鱼、海鳗、油甘鱼、三文鱼子。
当中深刻的有大toro、三文鱼子，其余的质素平均，正常冇问题！OK+++
三文鱼子不会像坊间的三文鱼子丧咸，咬落去挤出鲜甜的鱼油，果然很好feel！^3^
吞拿鱼大toro颇大件和肥美，还很鲜味，是我这么多件寿司中称皇！因为同我一齐食饭那位都劲不屑我件toro的肉感。怎样肉感？因为我同伴话：真睇唔顺眼妳件toro~肉感得似男人xx...sorry~个卖相事实颇「不文」，其余的请自行思考。(我会stop，不然会俾网站删文)
整个餐我们一致认为茶碗蒸同甜品都好食！佢最钟意食红豆雪糕even我们都尝过红豆、绿茶和黑芝麻味，而我今次拣的lemon雪糕都好食，有一丝丝柠檬皮屑碎又甘又酸，唔似香味剂算偷笑耶！不然会有空气清新喷雾个feel(掩咀偷笑)。
食后感：
十只手指都有长短~既然午巿系晚巿的慰藉，冇个橙都仲有个桔丫嘛！所以经验来讲午巿固然会有参差的水准，即系一时优异得令人惊喜要锡佢一啖，就算所谓一时失准都唔系渣都冇剩仍保持到7至8成分数，食了咁多次当然以我咁既穷鬼又要扮靓又要为食就梗系午巿啦！虽然紫菜今日系有丁点瑕疵又唔至于系稔或像巿面回转咁一注菜der左…似系争咁清脆口感挂！？
咁我谂又唔至于要偏爱此餐厅讲返d人讲既说话…事实抵闹的餐厅我唔会留情面，凭著我的低调，讲真话又何干呢！？因为我都冇摆自己相，赞过的餐厅又唔会话偏私因为g我上网写得好就狂serve我因为人就系咁假~呵 XD
咁当然我唔会单凭甜品同茶碗蒸俾笑面，叫得食评点都要睇返主角台戏~就系因为旧肥toro值我俾个笑面…虽然我俾同伴笑左成个下昼！-_-
服务对我依然有礼，对于成日食𠮶d客我仲睇到识叫さん添！
二人共$303
张贴