影片
更多
2009-03-11
13 浏览
终于去左喇好开心呀!!!多谢2位好朋友陪我去!!!为左杯朱古力, 一定会再去!!!>V<位于湾仔海军商场既VERO, 非常隔涉!! 又懒又唔愿周围揾既我, 本来谂住搭的士去,不过朋友坚持唔搭的士!! 佢话慢慢揾先过瘾㖞!! 结果由入境大楼慢慢行过去, 倾下讲下其实好快揾到, 就系演艺学院对面咋!! 真系好难想像残旧既海军商场会有间咁特别既朱古力店=)店内装潢明亮简洁, 一入门口左边系酒吧, 右边有间玻璃房,前面有个大厨房, 出面放左好多迷你muffins,再行前d就系长长既走廊, 打直一排桌椅,果阵5点钟, 只系坐剩最尾2张枱咋!! 估唔到咁多人!!Xocolati Dark 70% $45每人一杯必叫热朱古力!!一送黎, 表面有一块已经开始溶化既黑朱古力薄片,然后, 睇住佢逐d逐d慢慢溶...慢慢沉...最后, 整块薄片溶晒系表面...搅一搅, 饮一啖, 哗!!! 真系好满足!!>V<被又杰又浓郁既热朱古力浆住个口!! 不过质感唔算滑, 有少少沙沙地, 如果加少少奶可能更滑更美味=)只售$45一杯, 绝对超值!!不过一定要趁热饮, 因为冻左会超级浆住
终于去左喇好开心呀!!!多谢2位好朋友陪我去!!!
为左杯朱古力, 一定会再去!!!>V<
位于湾仔海军商场既VERO, 非常隔涉!! 又懒又唔愿周围揾既我, 本来谂住搭的士去,不过朋友坚持唔搭的士!! 佢话慢慢揾先过瘾㖞!! 结果由入境大楼慢慢行过去, 倾下讲下其实好快揾到, 就系演艺学院对面咋!! 真系好难想像残旧既海军商场会有间咁特别既朱古力店=)
店内装潢明亮简洁, 一入门口左边系酒吧, 右边有间玻璃房,
前面有个大厨房, 出面放左好多迷你muffins,
再行前d就系长长既走廊, 打直一排桌椅,
果阵5点钟, 只系坐剩最尾2张枱咋!! 估唔到咁多人!!
Xocolati Dark 70% $45
每人一杯必叫热朱古力!!
一送黎, 表面有一块已经开始溶化既黑朱古力薄片,
然后, 睇住佢逐d逐d慢慢溶...慢慢沉...
最后, 整块薄片溶晒系表面...
搅一搅, 饮一啖, 哗!!! 真系好满足!!>V<
被又杰又浓郁既热朱古力浆住个口!!
不过质感唔算滑, 有少少沙沙地, 如果加少少奶可能更滑更美味=)
只售$45一杯, 绝对超值!!
不过一定要趁热饮, 因为冻左会超级浆住个口架好漏
呢杯真系我饮过最美味既chocolate drink!!!
========================
Premium Jar Collection $108
menu上有9款, 可拣其中5款,
5款朱古力都唔算滑, 胜在味道创新, 都唔错=)
由左至右讲起>>
Mallows*
条状棉花糖外系一层黑朱古力薄coating,
黑朱古力浓, 棉花糖软绵绵又唔太甜, 几好味
Lemon Drops*
下层系黑朱古力,
上层白朱古力有突出既清香柠檬味, 好味!!
Golden Popcorn*
焦糖爆谷外系一层黑朱古力coating
面头仲有两块小金箔, 令成个collection生色不少,
最钟意呢款=)
Yogurt Clusters*
无谂过系白朱古力包住提子干,
唔系好食得出yogurt味, 味道普通
Premium Sparks*
睇完OR食评特登叫的一款,
黑朱古力条入面除左有nuts,仲有爆炸糖!!
爆炸糖虽然唔多, 但依然感觉到佢系口入面啪啪跳动
非常有趣!!>V<
========================
一埸黎到, 决定试多一样野!!
Premium 5 Muffins $78
Muffin松软, 唔会过份湿润, 唔错, 不过可惜唔够热`
更估唔到细细旧muffin,当中有4款系惊喜的!!
由左至右>>>
Pink Himalayan Caramel*
切开平平无奇既muffin, 入面竟然有美味既朱古力拖肥酱!!
面头微脆, 相当好味=)
Dark 70%*
切开朱古力muffin, 入面系浓郁既软心朱古力酱!!!
好好味!!我最钟意的一款!!
Rosemary*
实在估唔到...平时落系牛扒/羊扒/意粉上既香草,
混系蛋糕入面, 又几特别㖞,
好香之余, 味道亦唔错, 一位朋友话最钟意呢款*
Blueberry*
平常食惯既款式, 味道不过不失,
混入蓝莓果酱, 蓝莓味唔重唔香, 算系最普通的一款`
Banana & Mint*
望落怪异既组合, 但味道又出奇地有惊喜!!
浓浓既香蕉味+淡淡既薄荷, 带丁点冰凉感觉,
面头仲有一片香蕉肉, 味道创新特别, 却又甚讨好=)
========================
食饱饱, 当然要参观下间玻璃房啦!!!
入面展示左多款VERO朱古力礼盒, 仲放左大量靓靓朱古力艺术品!!
有拎住打蛋器既兵马俑, 高争鞋, 玫瑰花等等...好靓!!!
服务方面, 虽然店员无介绍任何朱古力俾我地(可能因为我地无问),
但个个都好nice好好笑容, 有个外籍女仔仲好靓女添^^
本应VERO系饮野倾计叹个下午茶既好地方,
可惜落地大玻璃窗外面景观麻麻...望住一大片泥黄色既填海工程...
一入到黎既时候真系有一刹那破坏左心情啊
好在饮+食到美味朱古力, 叹左个美妙既下午, 我地都得以满足咁离开
真系超级快乐既一日!!
张贴
