好好運快餐店 (已結業)

好好运@荔枝角朝圣沙嗲牛肉公仔面呢间好好运，入去食真系要有啲运，佢长期大排长龙，你要有啲耐性排。装修简单，枱同枱之间比较迫，不过总算干净企理，为咗食美食，通常都唔会介意迫下同等吓。我今次好好运，等咗大概5分钟，坐落都算舒服，嘢食好快送到嚟，真正快、靓、正！金牌沙嗲牛肉公仔面个面爽口弹牙，一d都唔淋，呢个系基本。最正系佢嘅餐肉够厚，而且两面都煎过，够晒香口;牛肉份量较多，而且腌得入味。最正系个沙嗲汁，好浓郁，真系令你食唔停口，食完又好满足。