好好運快餐店 (已結業)

终于有机会黎朝圣人气快餐店沙嗲牛面餐$52 自选左2个款𩠌红肠加煎太阳蛋沙嗲啡，红肠红，蛋嘅黄白再加上点缀嘅葱花绿，一嚟到个样已经好靓仔，张相唔驶执都已经可以出Post。试下系未咁有内涵！？哗！份量十足，太阳蛋有㶶边有流心，厚切红肠炸过有口感，海量牛肉配上浓稠沙嗲汁，牛肉爽滑嫰，沙嗲汁真系心机之作，有洋葱甜同花生香，再以浓稠姿态挂上由细食到大嘅大光面上，介乎沾面与汤面之间，每口挂上满满幸福，非常满足，这价钱我觉得物有所值！另外再加多份奶酱多 $17，个人好怕以厚多士做奶酱多，实在浪费了奶酱同面包！呢度个厚度就perfect match，多士烘得香脆，再加上香滑花生酱同炼奶，完美比例，每口都系食得出整体性及融和度！人气店果然系人气店，闻名不如见面！始终都系快餐店同食饭时间，记住食饱饱就要埋单走人啦！