影片
更多
2023-09-06
192 浏览
#港女觅食到九龙城今次同4位友人去食下泰国菜，我地拣左餐厅泰金国去朝圣下！餐厅12点开门，我地12:07pm去到已经有人龙要排队，排咗一个钟先有得食🫠值得一话系佢所有野食真系热辣辣上枱，但你要去食嘅话就真系要有心理准备要排队😂基本上餐厅全部菜式都系即叫即整，耐心等候下就会有得食架啦。✨泰式拼盘 $148入面有虾饼、鱼饼、炸鸡卷、皮蛋炸虾饼，全部新鲜即炸热辣辣，鱼饼香茅味好香好食，而炸物啲粉唔会太厚。✨泰式炒金边粉 $68第一碟上嘅菜式，所以觉得特别好食，继续系热辣辣上枱，欣赏佢金边粉唔会痴埋一嚿，而个汁甜甜地岩岩好，虾仁食到冇雪味。✨马拉盏炒通菜 $78个马拉盏嘅虾味好出，唔会太辣~✨泰式冬荫公 (细) $98酸酸甜甜好开胃，唔会觉得系用粉沟出黎，食落真材实料!✨泰式肉碎生菜包 $88肉碎好香，岩岩入口以为唔太辣，点知啲辣系后劲先出，但可以接受够惹味。✨烧牛肉 $88啲牛肉烧得有啲过左火候食落有啲韧，有啲失望；但佢个汁调得好惹味，点埋就可以提升肉嘅味道。✨泰式菠萝沙冰(少甜) $35最迟上嘅一杯嘢饮，因为佢沙冰真系逐杯整；菠萝味好味，饮落唔会觉得系用糖浆假嘢整，系饮得出有真水果菠萝味
今次同4位友人去食下泰国菜，我地拣左餐厅泰金国去朝圣下！
餐厅12点开门，我地12:07pm去到已经有人龙要排队，排咗一个钟先有得食🫠
值得一话系佢所有野食真系热辣辣上枱，但你要去食嘅话就真系要有心理准备要排队😂
基本上餐厅全部菜式都系即叫即整，耐心等候下就会有得食架啦。
✨泰式拼盘 $148
入面有虾饼、鱼饼、炸鸡卷、皮蛋
炸虾饼，全部新鲜即炸热辣辣，鱼饼香茅味好香好食，而炸物啲粉唔会太厚。
✨泰式炒金边粉 $68
第一碟上嘅菜式，所以觉得特别好食，继续系热辣辣上枱，欣赏佢金边粉唔会痴埋一嚿，而个汁甜甜地岩岩好，虾仁食到冇雪味。
✨马拉盏炒通菜 $78
个马拉盏嘅虾味好出，唔会太辣~
✨泰式冬荫公 (细) $98
酸酸甜甜好开胃，唔会觉得系用粉沟出黎，食落真材实料!
✨泰式肉碎生菜包 $88
肉碎好香，岩岩入口以为唔太辣，点知啲辣系后劲先出，但可以接受够惹味。
✨烧牛肉 $88
啲牛肉烧得有啲过左火候食落有啲韧，有啲失望；但佢个汁调得好惹味，点埋就可以提升肉嘅味道。
✨泰式菠萝沙冰(少甜) $35
最迟上嘅一杯嘢饮，因为佢沙冰真系逐杯整；菠萝味好味，饮落唔会觉得系用糖浆假嘢整，系饮得出有真水果菠萝味，好清新。
✨泰式青柠沙冰 $15
纯粹觉得罕有市面上少见就试下，好彩冇少甜，因为青柠真系好酸，酸得黎系好开胃，但真系试一次就够~
✨泰式奶茶(少甜) $25
少甜下都属偏甜，有别于港式奶茶嘅偏茶浓奶香，泰式奶茶成杯都好似饮落有点甜嘅感觉，茶味未够特出，味道同坊间买个只泰式奶茶粉差唔多🤭
✨总结
人均消费💸：$167/1人
味道：🌕🌕🌕🌕🌑
份量：🌕🌕🌕🌑🌑
服务：🌕🌕🌕🌑🌑
质素：🌕🌕🌕🌕🌑
🍴 泰金国 (九龙城)
📍九龙城侯王道9号地下A号舖
张贴
