Via Tokyo (已結業)

下午六点冲住宇治抹茶芝士蛋糕去到Via Tokyo尖沙咀新开嘅分店，点知已经卖哂，连抹茶卷都无哂 好伤心呀！唯有食咗其他款先。流心朱古力蛋糕($45) 我觉得叫软心朱古力蛋糕会比较贴切，中间嘅朱古力非常软滑浓郁，感觉似食紧软心朱古力，蛋糕最外薄薄一层系朱古力蛋糕，整体朱古力唔会太甜，但系一个人食完成件有啲腻，同朋友share应该会好啲。食唔到抹茶芝士蛋糕同抹茶卷，好彩仲有呢个抹茶拿破仑。宇治抹茶拿破仑 ($42)拿破仑酥脆带牛油香，最上层嘅脆饼加咗糖，甜甜哋好好食抹茶方面真系唔驶讲，无可否认呢度嘅抹茶甜品真系做得好岀色！宇治抹茶忌廉中间带点空气感，抹茶浓香带回甘，甜味恰到好处。最难得系新店唔驶排队，慢慢食完再饮返杯茶先都仲得。