龍鳳餃子館 (已結業)

6点半左右去到，入面已经坐左3张枱。一入到店内，已经闻到阵阵的香料味道!枱上已放左一樽水，供客人自用，又几方便~1. 白菜猪肉饺﹕如果期望饺子饀会多的人一定失望。皮都几厚，而且自己觉得饀的份量唔系好够。或者这就东北饺子的特色?2. 蒜蓉炒棠菜﹕偏油偏咸。3. 口水鸡﹕四川口水鸡的辣是辣油和花椒八角的辣。是次口水鸡都有花椒八角同蒜头，但系就配以辣酱。好好味~ 好香，好辣，好麻!正!4. 麻婆豆腐﹕基本上，呢遁菜一上枱唔会觉得佢辣，因为只系打左个透明的茨，同伴碟的几条干辣椒。但闻一闻就知喇。用左大量花椒八角等香料煮成。又一好麻之菜色。爽喔~5. 担担面﹕分量好大，用清汤上，再加点咸的碎肉。相比下，好失望。其实一边食一边有人入，而且仲有唔少人外卖自取。我谂下次迟少少去食都要订位lu~可能系家庭式作业的店子，厨房未必有足够人手，令到上菜时间慢。如果好肚饿的客人入内进食可能会脾气暴躁左(当晚已有一例)。但好味道的食物绝对值得等了又等，食完再食架!