影片
更多
2019-08-26
553 浏览
近年川菜盛行，于香港乃至世界各地均受人们追捧喜爱，可谓「遍地开花」。【三希楼】座落于铜锣湾时代广场，主打川菜及粤菜。笔者虽不是川菜爱好者，但闻说三希楼的粤菜水准不俗，便择日前往一尝手艺。.【三希楼】门市简洁阔落，右侧摆放咗十几个花樽摆设代玻璃布廉以遮挡店内等候室嘅视线，大气得嚟亦有相当嘅空间感，设计得颇有心思。至于等候区内就摆咗两张古色古香嘅木櫈，配搭侧边盘栽同圆櫈同挂喺墙上面嘅装饰，感觉有啲似传统中国四合院嘅装潢。用膳地方嘅枱櫈排得相当阔落，某啲圆枱同圆枱之间亦有磨砂玻璃屏风隔一隔，即使喺「大笪地」同其他食客共膳，都有一定程度嘅私隐可以放心倾计。先来一个小前菜...再望下餐牌，选择唔少，每样都想一试。✨明炉蜜汁叉烧：虽然叉烧份量唔算多，但系每旧都肥瘦均匀，咬落去嘅猪油香同蜜糖豉油平衡得几好，外层微微嘅焦脆感都系一个大大嘅加分位。唯一美中不足嘅就系叉烧下面啲水分太多，水油状嘅酱汁多得嚟又「浪下浪下」要扣返啲分。✨酸辣四川凉粉︰四川凉粉主要睇嘅系凉粉质素、配菜同酸辣酱汁。今次呢碟菜，凉粉方面十分弹牙得嚟有咬口，呈碟𠮶阵都够干身，出面已经比较少见餐馆会特别着重凉粉嘅质素了；配菜方面就嫌佢青
.
【三希楼】门市简洁阔落，右侧摆放咗十几个花樽摆设代玻璃布廉以遮挡店内等候室嘅视线，大气得嚟亦有相当嘅空间感，设计得颇有心思。
至于等候区内就摆咗两张古色古香嘅木櫈，配搭侧边盘栽同圆櫈同挂喺墙上面嘅装饰，感觉有啲似传统中国四合院嘅装潢。
用膳地方嘅枱櫈排得相当阔落，某啲圆枱同圆枱之间亦有磨砂玻璃屏风隔一隔，即使喺「大笪地」同其他食客共膳，都有一定程度嘅私隐可以放心倾计。
先来一个小前菜...
再望下餐牌，选择唔少，每样都想一试。
✨明炉蜜汁叉烧：
虽然叉烧份量唔算多，但系每旧都肥瘦均匀，咬落去嘅猪油香同蜜糖豉油平衡得几好，外层微微嘅焦脆感都系一个大大嘅加分位。
明炉蜜汁叉烧
12 浏览
0 赞好
0 留言
唯一美中不足嘅就系叉烧下面啲水分太多，水油状嘅酱汁多得嚟又「浪下浪下」要扣返啲分。
明炉蜜汁叉烧
13 浏览
0 赞好
0 留言
✨酸辣四川凉粉︰
四川凉粉主要睇嘅系凉粉质素、配菜同酸辣酱汁。今次呢碟菜，凉粉方面十分弹牙得嚟有咬口，呈碟𠮶阵都够干身，出面已经比较少见餐馆会特别着重凉粉嘅质素了；配菜方面就嫌佢青瓜丝放得多咗少少，而葱花同花生嘅份量又少咗啲；酱汁方面毫不马虎，有别于一般餐馆就咁俾一兜酸辣「油」你去捞粉食。
酸辣四川凉粉
13 浏览
0 赞好
0 留言
【三希楼】呢个酸辣汁底就好足料，尝辣嘅朋友直头可以舀起啲辣椒粒送落去碗粉度，又呛口又过瘾。整体而言，呢碟「酸辣四川凉粉」可以算系诚意之作，作为开胃前菜无得弹。
酸辣四川凉粉
18 浏览
0 赞好
0 留言
✨沙嗲粉丝肥牛煲︰
呢煲肥牛上菜之后热气腾腾，等到佢嘅蒸气挥发走之后，望落去见到啲肥牛纹理清晰同油脂分布平均，就知道呢个系一个高质嘅肥牛煲。
沙嗲粉丝肥牛煲
28 浏览
0 赞好
0 留言
果然！望见朋友不论系就咁单独食一块肥牛，定系连同充满牛香同偏辣嘅沙嗲粉丝一齐食，都只会听见一句猛咁话「真心好味，快啲趁热食」好快我同佢三扒两拨，就将成个肥牛煲食到干干净净。
沙嗲粉丝肥牛煲
21 浏览
0 赞好
0 留言
✨极品流沙包︰
相比起以上几碟菜，呢个流沙包就相对无咁大惊喜了。话虽如此，呢个包嘅质地依然系十分松软，内里嘅馅料份量啱啱好做到漏出嚟又唔会整到个包太湿，当佢系饭后甜品一样唔会令人失望。
极品流沙包
13 浏览
0 赞好
0 留言
极品流沙包
10 浏览
0 赞好
0 留言
今次虽然只系小试牛刀，两个人只能够食到几碟菜，但已经感受到【三希楼】师傅嘅功力同用心。如果下次揾齐朋友再去【三希楼】，一定要试匀佢嘅招牌名菜！
张贴
