影片
更多
2020-10-08
1976 浏览
是日又要清假，决定自己一个出黎行下Chill下，饮完杯啡就饿了。喺世贸中心附近见到呢间云寿司，Lunch Omakase价钱合理间唔中豪一次😽《「翔」$380》Omakase有3个价钱，拣左最平一款，包10件寿司、1件手卷、面豉汤。拖罗油润丰腴，油脂分布好似雪花，食到油脂的甘香。深海池鱼肉质细腻，爽甜肥美，之前食过池鱼的我，食完深海池鱼真系返唔到转头。鲭鱼寿司比较少食，背部刀纹好靓，肉质饱满，口感实净，有种几特别的鲜味同清新香气。赤贝系十款里面最出色的一款，外表橙红有光泽，肉质爽厚清脆，超级鲜甜🥺。去亲呢啲寿司店，赤贝系我每次必点单品，大推！炙烧左口鱼同样出色，亦系我favourite item之一，火枪轻轻一烧，将啲油脂逼晒出黎😻油甘鱼几厚身，色泽靓，味道甘甜。三文鱼籽食得多，估唔到今次试到生筋子。颜色鲜红，滑口带有黏性，个人觉得味道几鲜味，一啲都唔腥；加上有先腌渍，所以咸香味几重。北海道牡丹虾卖相晶莹剔透，口感黏稠，弹牙嫩滑，味道甘甜浓郁，余味悠长。吞拿鱼面颊肉则是第一次试，带有少少筋位，呢款都有用火枪炙烧过，肉质几弹牙。黎到最后一件梗系食海胆啦😝颜色金黄，非常饱满，入口丰腴细滑好
《「翔」$380》
Omakase有3个价钱，拣左最平一款，包10件寿司、1件手卷、面豉汤。
拖罗油润丰腴，油脂分布好似雪花，食到油脂的甘香。
深海池鱼肉质细腻，爽甜肥美，之前食过池鱼的我，食完深海池鱼真系返唔到转头。
鲭鱼寿司比较少食，背部刀纹好靓，肉质饱满，口感实净，有种几特别的鲜味同清新香气。
赤贝系十款里面最出色的一款，外表橙红有光泽，肉质爽厚清脆，超级鲜甜🥺。去亲呢啲寿司店，赤贝系我每次必点单品，大推！
炙烧左口鱼同样出色，亦系我favourite item之一，火枪轻轻一烧，将啲油脂逼晒出黎😻
油甘鱼几厚身，色泽靓，味道甘甜。
三文鱼籽食得多，估唔到今次试到生筋子。颜色鲜红，滑口带有黏性，个人觉得味道几鲜味，一啲都唔腥；加上有先腌渍，所以咸香味几重。
北海道牡丹虾卖相晶莹剔透，口感黏稠，弹牙嫩滑，味道甘甜浓郁，余味悠长。
吞拿鱼面颊肉则是第一次试，带有少少筋位，呢款都有用火枪炙烧过，肉质几弹牙。
黎到最后一件梗系食海胆啦😝颜色金黄，非常饱满，入口丰腴细滑好Creamy，味道浓厚甘甜，食完会好腻但真系好满足😍
葱花吞拿鱼腩手卷，紫菜脆口，米饭烟韧，值得一赞吞拿鱼腩平均分布，所以每啖都食到toro同wasabi，微酸的寿司醋亦令我越食越开胃，唔会感觉净系食紧饭。
张贴
