鮨亭 (已結業)

全年都好少出街食饭，好彩喺限堂食之前都同朋友食咗餐好嘅🥰好耐之前黎过几次，次次都系散叫嘅，第一次叫松叶蟹脚锅4人餐。每人一份嘅前菜，一黎到我哗咗一声🙊啲颜色好靓😍海葡萄点柚子醋食好开胃，我真系好挂住冲绳呀😢大根沙律🥗又系好开胃嘅前菜，幼切嘅大根好爽甜，超多鲣鱼碎。叫咗烧牛舌试下，下次都一定会再叫！厚切好正。🤤刺身个摆盘真系超靓🥰好有惊喜，全部都新鲜，个海胆超甜。除咗叫套餐，我地都忍唔住叫咗个粒贝，好爽好鲜甜，个摆盘又系超靓。💖呢个系厨师发板嘅寿司🍣每人一份，我钟意个玉子同拖罗。松叶蟹脚海鲜锅配和牛其实未食个锅我都饱咗八成🤣，跟餐仲有两个乌冬，蟹脚几鲜甜，和牛好食，其他海鲜都OK。食完真系饱到反艇了。好彩甜品系另一个胃😝本身以为得雪米糍或者雪糕，但竟然有奶冻，和菓子同埋烟韧嘅蕨饼，为呢一餐画上完美嘅句号。总括黎讲，系非常满意嘅一餐，高质又唔算贵，估唔到屯门都有呢个质素😋👍🏼食完呢餐令我更加挂住日本，希望下次再食都keep到水准，同继续俾多啲惊喜我啦。