影片
更多
2023-01-16
526 浏览
男朋友生日，所以早咗一个月去预订呢间餐厅。做功课嘅时候发现大家话亲身去预订会好啲，所以就专登揾咗日去中环呢间舖头到订座。当日一去到满心欢喜，谂住有得试佢嘅Omakase Set，点知佢话要预订嘅时候讲埋先有，但系我预订嘅时候冇职员问过我要唔要🥲🥲有少少失望，但系都照试吓佢嘅set。要咗两个牛寿喜烧set，再加一个牛刺身同埋牛舌。可能我对于生食牛肉都仲系未过到自己嘅心理关口，所以我觉得麻麻哋，但系未至于话会觉得难食。成个set包括咗好多牛肉唔同嘅部位，有啲油份多啲就会软熟啲，有啲瘦少少嘅肩位就会比较有咬口。但系全部嘅调味都好唔错，甜同咸balance得好好，加分位系啲白饭好好食，一粒粒咁，配埋啲牛真系可以食多几碗。而且中间有唔同嘅配菜搭着一齐食，会有啲变化，唔会话食到好漏。最贴心嘅地方系，我自己带咗两件小蛋糕来当作生日蛋糕，餐厅好贴心咁样帮我将佢摆盘得好靓，咁样摆咗喺碟上面，有用糖粉整左Happy Birthday 系上面，好好🥹🥹
当日一去到满心欢喜，谂住有得试佢嘅Omakase Set，点知佢话要预订嘅时候讲埋先有，但系我预订嘅时候冇职员问过我要唔要🥲🥲有少少失望，但系都照试吓佢嘅set。
要咗两个牛寿喜烧set，再加一个牛刺身同埋牛舌。可能我对于生食牛肉都仲系未过到自己嘅心理关口，所以我觉得麻麻哋，但系未至于话会觉得难食。成个set包括咗好多牛肉唔同嘅部位，有啲油份多啲就会软熟啲，有啲瘦少少嘅肩位就会比较有咬口。但系全部嘅调味都好唔错，甜同咸balance得好好，加分位系啲白饭好好食，一粒粒咁，配埋啲牛真系可以食多几碗。而且中间有唔同嘅配菜搭着一齐食，会有啲变化，唔会话食到好漏。
最贴心嘅地方系，我自己带咗两件小蛋糕来当作生日蛋糕，餐厅好贴心咁样帮我将佢摆盘得好靓，咁样摆咗喺碟上面，有用糖粉整左Happy Birthday 系上面，好好🥹🥹
张贴
