鼎泰豐 (已結業)

我最中意食小龙包，鼎泰丰出名小龙包，但我竟然一次都未食过，太失败…由于朋友去完韩国，要比手信我，所以就揾地方食饭…朋友话尖沙咀有，当然即刻话好啦！！美丽华既鼎泰丰吾太多人流，所以吾洗等位就入得。一开餐牌，劲多野想食！但人太少，都要就返价钱，有选择困难症既我，太难拣。最后叫左以下几样：。辣味小黄瓜 - 本身都中意食黄瓜，呢个辣辣地，几开胃。原味水晶肉 - 真系几好食，平时出面个d好大旧硬肉，呢个真系碎哂，但仲有肉质，仲有d啫喱，食落好正。花雕醉鸡 - 酒味吾太浓，鸡正常，翡翠好食d。小龙包 - 不能不吃！！真系皮薄馅靓，食一打都得呀！d肉吾会太实，好软身，太juice啦。雪菜肉丝面 - 雪菜肉丝又系我最爱，去茶记都系食雪菜肉丝，呢个好多雪菜，正到爆呀！不过面就好似淋左d…。茘芋小龙包 - 饭后甜品，朋友介绍，食落好似食紧蒸既薄薄的汤圆皮，入面系芋泥，感觉好得意，第一次咁食～今餐都几满足，真系不负所望，一定会再食