國金軒

营业中

休息中

因为今个月屋企人生日，带咗佢哋去一直好想试嘅餐厅，就系喻为名人饭堂嘅国金轩食饭！🤤除咗嗌左几个套餐，仲另加左焗蟹盖同埋素鹅， 十分惹味，滋味十足！最好食系焗蟹盖，因为味道浓郁又足料！😆食物包括有国金老火汤就系用鱼熬成嘅葛汤，之后我哋指选咗要马友咸鱼煎西班牙黑豚同埋家烧海斑翅，亦都有竹影田色即系配搭靓靓嘅各种菜，最后唔少得红菜头带子蛋白炒饭同埋特色桂花同埋马拉糕！另加咗一个焗蟹盖同素鹅非常出色！而且职员服务好好，经常留意你嘅需要！最开心系望住一个靓靓海景食饭，望到摩天轮同海滨长廊，心情都好好！屋企人大赞好味，大家享受咗一个好好嘅午餐！餐厅一个好特别之处就系茶壶有蜡烛暖住，所以啲茶都系热嘅！虽然今次系食午餐，但系有机会都想晚餐再嚟，相信有另一番滋味！❤️