茶餐廳2.0 (已結業)

好耐之前见人哋食茶餐厅2.0个甜品好吸引，所以一直心挂挂好想去试吓，今日终于有机会啦！呢间舖位都几大，部份系室外地方，夜晚人流唔多，室内环境都唔错。食物选择都多，中式和西式都有，近日仲推出冬日2.0暖笠笠煲，有鸡煲、鱼煲或者羊腩煲可以拣，之后仲可以追加配料打边炉，我谂天气再冻啲食呢个就一流啦！最后选择左一个西式嘅二人套餐（$268 ），有龙虾汤和烟鸭胸杂菜沙律，龙虾汤唔系好杰身𠮶啲，不过都有龙虾味，另外个烟鸭胸沙律就好大碟，比你哋share食，鸭胸份量都几多，加埋沙律酱，味道几好。主菜有意大利饭或者天使面二选一，我哋就拣咗西西里茄蓉鲜虾天使面，份量都几多，啲虾都几大只，加埋三色椒和菇等等，味道不错。另一个主菜就可以拣羊架或者德国咸猪手，我哋就拣咗法式香煎羊架配薯菜，仲有3支骨，肉好多，羊脂膻味洋溢，好好味，同行朋友话想食多件。附送嘅薯角好多好大条，加埋其他蔬菜啱啱好。个餐都附有饮品，冻饮加$3。最后最后，当然有我期待已久嘅甜品啦！选择左雪糕鲜果鸡蛋仔（ $58 ），新鲜即制，一底鸡蛋仔上面加上忌廉和一球雪糕，仲有蓝莓和士多啤梨朱古力酱点缀，鸡蛋仔够脆，配埋雪糕真系冇得弹啊！