上上籤 (已結業)

由观塘到今日嘅北角，就系同拿督餐厅嘅缘份只欠一点点！之前疫情，观塘熟食中心无开，到重开，又无时间去，直至熟食中心关闭！之前听闻又再在某处重开，今日的起心肝上网揾，原来喺北角开半日，于是马上就过海试试！坐低睇睇餐牌，点解嘅…….点解无我想食嘅黑酱油捞面………一问之下，先知原来主事人陈太要休息，由2月开始就已经再无出嚟，全日就由晚上做串烧嘅主理人做午市！我又错过咗！😭反正都已经嚟到，咁就试试啦，叫咗叉烧炒蛋配葱油捞乌冬，葱油烧鸡扒饭。叉烧系每日自己做，用五花腩腌，肉质稔，汁香。烧鸡扒层皮脆，可惜肉有啲干！葱油好好味！总算有少少收获！😋希望拿督餐厅可以再现！🙏🏻