新派韓食館 (已結業)

之前返学一直想试尼间，今晚终于食到啦，十分期待。一入去因为1个人，所以是但坐都得。环境都好大，感觉整洁。今晚想食炸鸡，所以我叫左蜜糖炸鸡5件，另外叫左忌廉芝士饭卷。隔左10秒左右，即刻举手问职员，可唔可以唔要忌廉芝士饭卷改转牛肉饭卷。职员话唔改得，咁我就话由佢。^^”心谂鬼叫自己唔谂清楚就叫咩，虽然前后10秒都冇，唔改得就唔改得。。。每枱都有水樽自己斟，一坐低其实职员已经比左4碟前菜比客食。泡菜，唔好食但未至于难食；左上角应该系辣萝卜？一般。芽菜，比较好食d；菠菜无味，又或者算正常挂。。。整体，唔送仲好。忌廉芝士饭卷，食落去无惊喜普通，整体无咩味。。。之前睇食评有人讲过K_C仲好食过佢，原本我都唔信，试左之后，都几认同果个人讲既野。5件其实50蚊内都算平，但唔好食既野，几多都唔值同唔抵。尼个我最终食左2件就放弃左。佢d蜜糖同件鸡格格不入，分离左，可能原味唔落任何野仲好食过加蜜糖。整体麻麻地。全餐最好食系炸鸡果碟野上面既腌制白萝卜，酸酸甜甜，几好食。唔会有下次。ps食期间有野飞下飞下，烦住我进食。