HighFive (已結業)

男人一直嘈住话想食间好啲嘅西餐，仲提议去九龙城食，话呢到开左好多小店，一定要去揾下，好过成日都去食商场，次次食完，咀刁嘅我都有怨言。 所以我就上黎开饭喇揾下啦，本来想去chicken n egg觉得佢个名好得意，但食评中有人话佢地态度好差所以唯有转场黎试下呢间。呢日星期五，我5点几打去订7点半嘅位，幸好有礼貌的哥哥话仲有位，咁我就通知男人出发了！一入到铺就带左我地坐低，好静，座位都阔落，坐得几舒服。然后我地就叫左有骨猪同西冷，见人地系咁推介，当然要试下。西冷叫左7成，上店成数都好准确，男人食完都赞好，话好味，肉够肉汁，而已冇根，呢个价钱黎讲，算几好啦。然后男人仲大赞我嘅有骨猪好林，好有肉汁，当然啦，我之前都食过类似嘅野，我知道呢种猪鞍是好食的。不要好奇怪的系竟然有成数比我拣，稳阵嘅我一定会拣全熟啦其实如果配菜可以多啲嘅话会比较好，食肉最重要系要同菜同薯泥一齐摆入口先会balance起码冇咁流啊平时我都好咀刁，今次呢一餐，除左头盘比较失去，同埋黑松露汤冇落盐之外，其他都比中上分数！小店继续努力吧！希望下次黎会有改善！