影片
更多
2014-10-04
1521 浏览
之前生日，但一路未约到中学好朋友食饭，今次终于约到，由朋友请！ 因为系旺角谂左好耐都谂唔到食咩好，所以就想去朝圣一下，睇下点解monster sushi晚晚都排晒长笼～我同朋友一行四人，等左半个钟左右先坐到入去。因为系朋友请既关系，所以冇睇价钱就乱嗌喇！谂住咩都试下，点知。。。 可能系我期望太高，所以觉得D寿司全部都好一般咋。。有D甚至腥腥地，失望！令人失望的和牛寿司，食落冇乜味，咬左几啖就直接吞了。 总括黎讲，寿司唔吸引的原因，系饭的醋味太大，甚至食落系热热地，有仲有鱼生本身根本唔够新鲜，有D望落去食泽已经唔够，而且鱼生食落好似系室内放了好一段时间，入口的温度同饭一样系太暖！FAIL！！！不过唯一可以一赞的系佢D野饮，虽然可能只系糖水加一堆冰，但系饮落又几好饮，系唔知点解黑加轮子味同蓝莓味好似一样味咁，不过唔紧要啦，好饮就ok！虽然D野唔系几好食，但个卡位又坐得几舒服，同朋友倾左好耐，临埋单check单既时候发现仲有个玉子寿司未上（黎D咁贵既地方嗌玉子寿司都有既，谂起都有小小后悔LOL），于是就同个waiter讲啦，点知佢check完之后过黎话应该上左架喇㖞，但我地真系冇食过，于是
因为系旺角谂左好耐都谂唔到食咩好，所以就想去朝圣一下，睇下点解monster sushi晚晚都排晒长笼～
我同朋友一行四人，等左半个钟左右先坐到入去。
因为系朋友请既关系，所以冇睇价钱就乱嗌喇！谂住咩都试下，点知。。。 可能系我期望太高，所以觉得D寿司全部都好一般咋。。有D甚至腥腥地，失望！
令人失望的和牛寿司，食落冇乜味，咬左几啖就直接吞了。
总括黎讲，寿司唔吸引的原因，系饭的醋味太大，甚至食落系热热地，有仲有鱼生本身根本唔够新鲜，有D望落去食泽已经唔够，而且鱼生食落好似系室内放了好一段时间，入口的温度同饭一样系太暖！FAIL！！！不过唯一可以一赞的系佢D野饮，虽然可能只系糖水加一堆冰，但系饮落又几好饮，系唔知点解黑加轮子味同蓝莓味好似一样味咁，不过唔紧要啦，好饮就ok！
虽然D野唔系几好食，但个卡位又坐得几舒服，同朋友倾左好耐，临埋单check单既时候发现仲有个玉子寿司未上（黎D咁贵既地方嗌玉子寿司都有既，谂起都有小小后悔LOL），于是就同个waiter讲啦，点知佢check完之后过黎话应该上左架喇㖞，但我地真系冇食过，于是就叫佢再check下单。
点知就黎左个经理，又系话真系上左，仲指住张枱话「我头先放左系呢个位架㖞」，咁我地紧系坚持啦，因为真系冇上过，最后佢就话唔紧要啦我再上多次啦，但佢个眼神依然系好怀疑咁。
Anyway, 玉子寿司的味道冇咩特别，蛋味唔特出，感觉应该系overcooked，不够滑，食落亦唔觉得有蛋汁，好干，加上好似唔系好够味！
本身已经觉得D野唔系特别好食，服务态度亦都非常恶劣！！又贵，我谂应该冇下次架喇！
张贴
