富士山 (已結業)

因为疫情关系，已经好耐冇出街食饭。见近期有点缓和，同呢间食评都唔错，就约左2位朋友试下。幸好预先订了枱，否则收工来到会大排长龙。环境方面，始终是铜锣湾区，租金贵，要用尽每一尺，所以枱与枱之间都很近，不过还可以接受。食物方面，本人觉得分量偏小，晚市有85折，每人埋单2百蚊左右，但3个人都唔觉饱，可能叫套餐比较抵啲，。味道方面不太突出，所以影左头2样之后冇影相。寿司，三文鱼柚子薄造同玉子烧较好味，蚬锅用细蚬，似急冻货，同相片出入较大，可以唔叫，鸡翼，6条单骨，45蚊，感觉只有皮脆，牛小排，冇咩味道，太熟其他正正常常。