影片
更多
2019-05-16
157 浏览
近排同未婚妻放工去apm都见到春水堂排到水蛇春咁长，但系台北中正纪念堂饮过次野饮，都无咁夸张，果然啲人新屎坑，系要排一餐😂今日我地难得都一齐早放，就去试下。未够六点就已经排紧队，不过就未排到去近扶手电梯个边，所以都唔算等劲耐，大约十五分钟左右入得。叫左碗鲁肉饭、手工麻香面线、卤水拼盘同珍珠铁观音奶茶。鲁肉饭相比我最爱台北个间金峰，真系争好远，呢度个汁偏甜，啲肉虽然切得大粒啲，但口感无金峰咁好，唔会令人食唔停口，金峰个啲鲁肉饭真系令我食上瘾，食过既人就会明！手工麻香面线闻落好香麻油味，但食落好淡，失望😞卤水拼盘有猪大肠、牛肚同牛筋，猪大肠洗得干净无臭味，牛肚同牛筋炆到好入味，牛筋好淋好劲胶质正呀！底下重有啲芽菜垫住，可惜啲汁无味淡茂茂😓😓同埋好细碟，咁就$78，重要未计加一。珍珠铁观音奶茶叫左少甜少冰，几好饮，珍珠系细过平日坊间个只size，台北饮过都系咁细粒，唯一唔同个边分小同中size，中size系成个啤酒杯🍺咁大！黎到香港大缩水！唔会再食😓因为唔系十分好食，又唔抵食，重要花时间排队，无下次！
叫左碗鲁肉饭、手工麻香面线、卤水拼盘同珍珠铁观音奶茶。
鲁肉饭
9 浏览
0 赞好
0 留言
鲁肉饭相比我最爱台北个间金峰，真系争好远，呢度个汁偏甜，啲肉虽然切得大粒啲，但口感无金峰咁好，唔会令人食唔停口，金峰个啲鲁肉饭真系令我食上瘾，食过既人就会明！
手工麻香面线闻落好香麻油味，但食落好淡，失望😞
卤水拼盘有猪大肠、牛肚同牛筋，猪大肠洗得干净无臭味，牛肚同牛筋炆到好入味，牛筋好淋好劲胶质正呀！底下重有啲芽菜垫住，可惜啲汁无味淡茂茂😓😓同埋好细碟，咁就$78，重要未计加一。
珍珠铁观音奶茶叫左少甜少冰，几好饮，珍珠系细过平日坊间个只size，台北饮过都系咁细粒，唯一唔同个边分小同中size，中size系成个啤酒杯🍺咁大！黎到香港大缩水！
唔会再食😓因为唔系十分好食，又唔抵食，重要花时间排队，无下次！
张贴
