肥老闆老壇酸菜魚 (已結業)

喺酸菜鱼群组见到有人介绍，一早已经关注咗呢间餐厅。有一次准备Walk in去食，职员表示要订位先得，以为好full la 。唯有另择日子去食，最终book左7月10日夜晚去食，当晚堂食人数唔多，亦唔见有人黎walk in，但我地入座前都系会问有冇book位，话已经full左(定系我听错？？)但白饭好早就已经话冇晒，感觉酸菜鱼要配饭先好食叫咗份加大版既酸菜鱼，唔够热，可以用暖暖地黎形容。(唔知关唔关坏炉事，我地叫完𩠌菜后，职员就问有冇嘢加，因为炉头坏左，但系🤔又会煮到既) 酸菜鱼入面既寛粉好厚，好似有啲唔熟既感觉。左边既芦荀，啲盐好似唔洗钱，咸到不得了。叫做唔错既系右边既椒盐鲜鱿，够哂香口。再叫左份冰震咕噜肉，啲咕噜肉太淋，一啲都唔香脆，好似放左好耐咁，或者可以比啲冰浸淋，个𩠌一拎上黎，啲冰已经溶溶地了。整体感觉不好，可能见好多人话好食，又要book位先有得食咁，所以期待太高！？本人就唔会有下次，亦都唔推荐。以上纯个人意见，不喜勿插，谢谢。