影片
更多
2021-07-30
623 浏览
睇戏食饭拍拖做人做事买股票，都离唔开期望管理。期望愈大，即使最终得出嘅结果系平均以上，你都可能失望而回。当你对依个香港都接近冇期望，每日听到睇到三几个以为冇可能发生嘅黑色幽默，你仲可以点？🥲都系唔好愈讲愈远，讲食嘢：「光荣冰室」我应该系第二次去食。第一次去食嘅系葱油猪扒饭，真心觉得几好食，正常猪扒正常葱油，水准系平均以上。咁讲真，葱油+猪扒，依两样咁简单嘅野，又几难整到唔好食。今次去食下午茶，期望都唔系咁高，我自己一条友就食左两个下午茶餐：美式珍宝热狗，生炸大鸡髀配薯角 + 两杯冻柠茶走甜总数都系$56热狗嘅卖相都几平价下，但食落又几好食，简简单单一条咸咸地嘅肠，加两块蕃茄酸瓜，再加啲好普通嘅沙律酱。好似返咗细个嘅时候，放学去啲平价餐室食嘅热狗味道。几好食，童年嘅回忆系无价；亦都可能我本身cheap，cheap野先啱自己。炸鸡髀就真心好唔掂，就咁睇个样都知。油，Hea，同埋应该唔系生炸。因为由我落单到鸡髀上枱都系用咗2分钟🌝🌚但重点真系好Hea，薯角变左薯条都冇乜所谓，但系啲薯条真系几难食，有啲好硬有啲好软，分明炸咗好耐放埋左一边。佢上菜𠮶时，望都唔望，炸物𠮶啲渣都仲喺度，好心啦😮💨
睇戏食饭拍拖做人做事买股票，都离唔开期望管理。期望愈大，即使最终得出嘅结果系平均以上，你都可能失望而回。
当你对依个香港都接近冇期望，每日听到睇到三几个以为冇可能发生嘅黑色幽默，你仲可以点？🥲
都系唔好愈讲愈远，讲食嘢：
「光荣冰室」
我应该系第二次去食。第一次去食嘅系葱油猪扒饭，真心觉得几好食，正常猪扒正常葱油，水准系平均以上。咁讲真，葱油+猪扒，依两样咁简单嘅野，又几难整到唔好食。
今次去食下午茶，期望都唔系咁高，我自己一条友就食左两个下午茶餐：美式珍宝热狗，生炸大鸡髀配薯角 + 两杯冻柠茶走甜
总数都系$56
热狗嘅卖相都几平价下，但食落又几好食，简简单单一条咸咸地嘅肠，加两块蕃茄酸瓜，再加啲好普通嘅沙律酱。好似返咗细个嘅时候，放学去啲平价餐室食嘅热狗味道。几好食，童年嘅回忆系无价；亦都可能我本身cheap，cheap野先啱自己。
炸鸡髀就真心好唔掂，就咁睇个样都知。油，Hea，同埋应该唔系生炸。因为由我落单到鸡髀上枱都系用咗2分钟🌝🌚
但重点真系好Hea，薯角变左薯条都冇乜所谓，但系啲薯条真系几难食，有啲好硬有啲好软，分明炸咗好耐放埋左一边。佢上菜𠮶时，望都唔望，炸物𠮶啲渣都仲喺度，好心啦😮💨
其实，廿几蚊，食物质素差/份量少都好正常，但其实只要𠮶员工用多🤏心机，出多🤏力，隔一隔油，隔一隔啲渣，薯条炸好🤏。即使同样嘅食材，就算都系一只断咗嘅细鸡髀，其实廿几蚊黎讲，好多人都会收货。
Mcmug综合评分：4/10 下午茶好平，但真心质素麻麻，但我都会俾机会你，希望你唔好净系sell个名，做返好自己，加油。私心加多2分，6/10。
29 浏览
0 赞好
0 留言
张贴
