July Coffee & Co.

营业中

休息中

外卖点餐，负责收钱同事态度一啲都唔友善，好似欠咗佢咁，令人反感。因平日人客唔多，点餐之后我坐喺外面枱櫈等外卖，食物准备好，职员就咁放喺枱上面就掉头行返入铺头，连同客人简单交代一句都冇，呢啲职员请返嚟倒米。叫咗个香蒜白酒蚬肉扁意粉午餐，配flat white及餐汤，分别意见如下：香蒜白酒蚬肉扁意粉- 可能系我期望太高，以为啲香蒜白酒煮咗蚬肉入味才铺上扁意粉上面。结果系毫无惊喜，价钱与质素不成正比。估计系执好各种材料后再用微波炉翻热后款客，扁意粉有扁意粉味、蒜蓉有蒜蓉味，唯独蚬就只有雪柜味。Flat white- 香气淡薄，口感欠佳，有浓浓突兀的酸味。餐汤- 隔离傅记茶餐厅都好饮过佢。整体来讲，网上评价都over咗啲，实际食落质素普通，职员态度欠佳，不予推荐。