影片
更多
2023-09-03
972 浏览
平时食牛做主角嘅餐厅，不论烧肉定打边炉，都好少有中伏嘅时候，牛唔好太老、太柴、太硬，有肉味同调味做好，笔者就会食得好开心。今日试牛太，老实讲几失望，就算食嘅系三百尾嘅餐，笔者期望基本牛嘅调味起码要做好，或者本身啲牛好够牛味，而今次点嘅肉几乎边款部位嘅肉都淡而无味。当然人人口味唔同，唔钟意咁淡都可以点酱食，但俾三百几蚊食肉仲要点酱先好食实在太唔抵喇。有烧汁个款牛会比较有味道，其他牛肉嘅品质其实未好到可以零调味咁上菜，烧完出黎未去到难食，但好似打边炉落左清汤底嘅感觉。笔者几钟意食牛舌，但真系冇办法叫多round。连出名重牛味嘅封门柳淡到笔者都食唔出系咩部位。海鲜类如墨鱼仔都一样，烧完出黎好似白𤆥咁。最后点芝士汁食，芝士汁本身就偏水，唔好ff佢有拉丝感，帮手提吓味啦。内脏类嘅串烧笔者冇食，但有食嘅同桌话一样有无味嘅问题。除咗牛，佢哋好似都唔太擅长做蛋嘅料理，明太子玉子烧应该系一早整定晒雪系雪柜，有人叫就拎出黎，所以系冻嘅，仲有少少鞋。未去到难食，但谂住会系新鲜热辣辣即整嘅笔者心里面点都扣咗分架喇。另一个无影到嘅系佢嘅蛋黄饭，食到有啲蛋壳。自助区有啲沙律 炸物 甜品同饮品。感觉到餐厅有尽力做好
今日试牛太，老实讲几失望，就算食嘅系三百尾嘅餐，笔者期望基本牛嘅调味起码要做好，或者本身啲牛好够牛味，而今次点嘅肉几乎边款部位嘅肉都淡而无味。当然人人口味唔同，唔钟意咁淡都可以点酱食，但俾三百几蚊食肉仲要点酱先好食实在太唔抵喇。
有烧汁个款牛会比较有味道，其他牛肉嘅品质其实未好到可以零调味咁上菜，烧完出黎未去到难食，但好似打边炉落左清汤底嘅感觉。笔者几钟意食牛舌，但真系冇办法叫多round。连出名重牛味嘅封门柳淡到笔者都食唔出系咩部位。海鲜类如墨鱼仔都一样，烧完出黎好似白𤆥咁。最后点芝士汁食，芝士汁本身就偏水，唔好ff佢有拉丝感，帮手提吓味啦。
内脏类嘅串烧笔者冇食，但有食嘅同桌话一样有无味嘅问题。
除咗牛，佢哋好似都唔太擅长做蛋嘅料理，明太子玉子烧应该系一早整定晒雪系雪柜，有人叫就拎出黎，所以系冻嘅，仲有少少鞋。未去到难食，但谂住会系新鲜热辣辣即整嘅笔者心里面点都扣咗分架喇。另一个无影到嘅系佢嘅蛋黄饭，食到有啲蛋壳。
自助区有啲沙律 炸物 甜品同饮品。感觉到餐厅有尽力做好保温，但炸物放耐咗会唔脆系难以避免。特别系薯条，唔脆之余仲硬堀堀，建议可以留quota。沙律甜品饮品就正常啦，有得任饮啤酒系唔错嘅。
特意帮味噌汤留影，少数不错嘅热食。
总括黎讲，如果一直都系今日呢个水准，建议唔使特登黎试喇。就算食高一级嘅餐有和牛，听到隔离讲啲和牛都系麻麻地。性价比太低喇，食其他餐厅会开心啲。
职员态度系有礼嘅，环境都舒适，但系啲食物会令人愈食愈觉得不值。
张贴
