蜀大俠 (已結業)

去之前睇左好多网上访问同食评，讲到好好味咁，特别中意食麻辣火锅既我就约埋几个都想试既朋友一齐去。环境细，不过都算坐得舒服既。酱料有教点整，不过麻油唔洗落咁多，落多左真系食得麻油味，盖过其他以及食物的鲜味。一到就点左招牌红白锅。叫左小辣，锅底都唔错，不过滚得越耐就越苦，都系正常既。白锅底既味道唔特出，不过食得太多辣，白锅底真系可以帮降火。叫左几样推荐既食物：花千骨，土豆片，舌尖上的蜀大侠咁。花千骨好惹味，原本已经系辣既，放落麻辣锅后，辣上加辣，不过肉质就真系普通，调味系唔错。土豆片唔错。值得推介既系牛舌，肉质好有口感！可能系新开张期间，夜晚都仲系要排队等位，但系楼面得两三个伙计做野，有时叫得佢嚟，自己整仲快。 另外就系唔知系唔系openrice多左好多打手既关系，睇左食评咁正，又有围裙，食完之后又有咩柠檬除臭喷剂，可能我冇问啦，但系我唔有人著围裙，走个阵都冇得除臭，食完之后真系成身麻辣火锅味。整体而言，真系试过一次就够，麻辣火锅依家香港开左咁多间，要选择都唔会选择呢间。