霸王川莊 (已搬遷) 新店位置

一直都听朋友话呢间餐厅嘅酸菜鱼好出名，所以抱住好大嘅期望去食，但系最后有啲失望😓😓😓😓酸菜鱼拼薯粉，个汤底系几酸，但系唔够辣，而且个汤底剩系得个酸字，一啲香味都冇，啲鱼食落去有浸好腥嘅味道，鱼骨都唔系去晒，酸菜都系肉眼可见嘅几条仔唔够多😥😥😥对呢一个菜真系好失望😪😪😪毛血旺，佢啲鸭血切到好搞笑，一开始上嚟我以为系猪红，因为佢唔似出边食𠮶啲切到好薄好长，佢系切到好正方形咁样。呢一个都系唔够香，剩系得一个麻字，但系lunch set来讲佢个份量都算多，一个人都未必食得晒，入面有芝士肠牛柏叶鸭血同埋一旧午餐肉