祥興記上海生煎包 (譚臣道)

营业中

休息中

今日经开湾仔，突然想食下附近既生煎包。本来考虑紧食大街间「坚X号」定呢间好（两个都有食过，不过祥兴记之前食既其他分店）。谂黎谂去，因为都想食葱油拌面，都系决定食呢间，点知真系令人大跌眼镜…环境：十分一般，连张櫈都无得坐要立食，不过间嘢一向唔系sell环境，黎得预左要接受。服务：唔可以话极度恶劣，但绝对都系差个类，收银位阿婶全程㶶口㶶面个样好似同你有仇咁既款，收完钱连句多谢都无，真系一副「钟意食就食，唔钟意就且啦」咁既款。（同埋唔该，既然要求食客自己收拾，就请做好啲清洁功夫）食物：重点黎啦！！！如果前两样都叫可以接受，食物就真系失望都极点！点解生煎包可以系冻既？虽然味道上差不多，但无左热辣辣既感觉，啲猪油既肥腻同腥味完全浮现晒出黎系咩料？？同埋个葱油拌面更加离谱！个面似系煮完摆左成晚咁既口感，发晒涨一夹就散，真系难食到一个点，完全食唔落口（有相为证）…最后总结，真系无对比无伤害，唔知系个别分店定整体质素下降左咁多，唔好话同大街间坚咩号俾啦，自己招牌自己打烂，真系可惜左当年建立下既口碑…